Өнөөдөр болох зарим үйл явдлыг танилцуулж байна.

10.00 цагт: Шинжлэх ухааны академийн дэргэд Монгол ба Төв Азийн судалгааны төвийн нээлтийн ёслолын ажиллагаа ШУА-ийн хүрээлэнгүүдийн нэгдсэн I байранд болно.

11.00 цагт: Монголын нэрт угсаатны зүйч Г.Цэрэнхандын “Монголчуудын ураг төрөл: ёс заншил, зан үйл” номын нээлт ШУА-ийн хүрээлэнгүүдийн нэгдсэн 1-р байранд болно.

11:00 цагт: Шударга өрсөлдөөн, Хэрэглэгчийн төлөө газар Чингэлтэй дүүргийн 17 дугаар хороонд "Хэрэглэгч тантай хамт" өдрлөгийг зохион байгуулна. Энэ үеэр гэр хорооллын айлуудын цахилгаан эрчим хүчний хангалтын талаар иргэдээс өргөдөл гомдол хүлээн авч, мэдээлэл зөвлөгөө өгнө.

11:30 цагт: АНУ-ын Лас Вегас хотноо болж өндөрлөсөн чөлөөт бөхийн насанд хүрэгчдийн дэлхийн аварга шалгаруулах тэмцээнд оролцон түүхэн амжилтын эзэд болсон тамирчидаа Эрүүл мэнд, спортын сайд Г.Шийлэгдамба ЭМСЯ-ны 204 тоотод/ хүлээн авч уулзан хүндэтгэл үзүүлнэ.

12:00 цагт: Сүхбаатар дүүргийн Засаг даргын Тамгын газраас зохион байгуулах Сүхбаатар дүүргийн "Алтан намар-2015" арга хэмжээ АСА циркийн арын талбайд болно.

12:30 цагт: "Гал үндэстэн" холбооноос цаг үеийн асуудлаар "Зууны мэдээ" сонины Үндэсний мэдээллийн төвд мэдээлэл хийнэ.