Өнөөдөр Нийслэлийн цагдаагийн газраас Улаанбаатар хотод үйл ажиллагаа явуулж байгаа бар, цэнгээний газруудын эзэмшигч, хариуцагч нарыг дуудаж уулзжээ. Энэ хурлын үеэр шөнийн 12 цагаас хойш хугацаа хэтрүүлэн ажиллахгүй байхыг хатуу анхааруулсан байна. Нийслэлд байдаг цэнгээний газар, шөнийн клубууд цаг хэтрүүлэн ажилладаг аж. Тухайлбал "Брикс" шөнийн клуб 18 удаа ийм зөрчил гаргасан бол цэнгээний газрууд хамгийн доод тал нь таван удаа илүү цагаар ажилласан гэв. Ийм тохиолдолд захиргааны хариуцлага гэж 250 мянган төгрөгөөр тогргодог тул үүнээс хэд дахин ашиг олдог газрууд үл ойшоодог аж. Тиймээс Нийслэлийн цагдаагийн газраас удаа дараа цаг хэтрүүлэн ажиллавал цаашид Эрүүгийн хуулийн 161-р зүйлд заасны дагуу эрүүгийн хэрэг  үүсгэх талаар сануулсан байна.
   Эрүүгийн хуулийн 161.1-д "Хууль тогтоомжоор хориглосон, тусгай зөвшөөрөлтэйгээр явуулах үйлдвэрлэл, үйлчилгээ, худалдааг дур мэдэн эрхэлж, үлэмж буюу их хэмжээний орлого олсон бол эд хөрөнгийг хураах буюу хураахгүйгээр хөдөлмөрийн хөлсний доод хэмжээг нэг зуугаас хоёр зуун тавь дахин нэмэгдүүлсэнтэй тэнцэх хэмжээний төгрөгөөр торгох, эсхүл гурваас дээш зургаан сар хүртэл хугацаагаар баривчлах ял шийтгэнэ. Мөн 161.2-т "Энэ хэргийг урьд нь энэ хэрэгт шийтгүүлсэн этгээд, түүнчлэн зохион байгуулалттай бүлэг буюу гэмт бүлэглэл үйлдсэн, түүнчлэн энэ хэргийн улмаас онц их хэмжээний хохирол, хүнд хор уршиг учирсан бол эд хөрөнгийг хурааж, таваас дээш арван жил хүртэл хугацаагаар хорих ял шийтгэнэ" гэсэн байдаг аж.