Мэдээллийн технологийн эрин үед интернэт сүлжээний хэрэглээ улам нэмэгдсээр байна. Цахим хуудсууд ч олноороо бий болж, өдөр ирэх тусам өөрчлөгдөн сайжирсаар байна. Бидний байнга ханддаг  facebook, google зэрэг вэбүүдийн дезайнд гарсан хувьслыг 24tsag.mn сайт хүргэж байна.
    Мэдээллийн технологийн эрин үед интернэт сүлжээний хэрэглээ улам нэмэгдсээр байна. Цахим хуудсууд ч олноороо бий болж, өдөр ирэх тусам өөрчлөгдөн сайжирсаар байна. Бидний байнга ханддаг  facebook, google зэрэг вэбүүдийн дезайнд гарсан хувьслыг 24tsag.mn сайт хүргэж байна.

    Анх 2003-10-28-нд Харвардын оюутан Марк Зукенбэрг ангийн 3-н оюутны хамтаар энэ сайтын эхлэлийг тавьж байжээ. Эхэндээ "hot or not" буюу 2 зургийг харьцуулж аль таалагдсан дээрээ саналаа өгөх журмаар ажилладаг байсан энэ сайт одоо дэлхийн №1 сайт болтлоо хөгжөөд байна.
    2004 оны 2 сарын 4-нд Facebook.com - ын анхны хувилбарыг thefacebook нэртэйгээр Thefacebook.com гэсэн домэйн дээр тавьж байжээ.
 
 
    Өдгөө тус сайт 900-н сая хэрэглэгчидтэй, дэлхийн хамгийн том social сайт болтлоо хөгжөөд байна.

    1994 оны 1-р сард Станфордын их сургуулийн оюутан Жэрри янг, Дэвид фило нар ирээдүйн yahoo.com - н үндэс болох "Jerry"s guide to the world wide web" нэртэй вэб сайтыг анх нээж байжээ.  Энэ сайтын гол зорилго нь интернэт дэх вэб сайтуудын мэдээллийг цуглуулж мод хэлбэртэйгээр харуулах вэб сайтын лавлах байв.  Улмаар нэрээ Yahoo болгож  1995 оны 1 сарын 18-нд албан ёсоор yahoo.com домэйнийг үүсгэж байсан байна.  Yahoo гэсэн нэрээ тайлбарлах даа "Yet Another Hierarchical Officious Oracle" гэсэн үгний товчлол гэсэн байдаг.
    Yahoo.com нь News,Yahoo Mail, Yahoo Messenger, Yahoo Groups зэрэг олон салбартай томоохон сайт болон үйл ажиллагаагаа явуулж байна.

    1996 оны 1 сард Станфордын их сургуулийн оюутан Ларри пэйж, Сергей Брин нар Google төслийг эхлүүлж байжээ. Энэ төслийн зорилго нь вэб сайтын хайлтын систем байсан ба хайлтын үр дүн нь сайтын хандалт, хуудасны тоо зэргээр нь вэб сайтуудыг рэйтингжүүлж эрэмбэлж гаргах байв.
    
    Одоо Гүүгл нь Google mail, Google Talk, Google Groups, Google Maps, Google adsense зэрэг маш олон үйлчилгээг үзүүлж байгаа бөгөөд www.youtube.com, www.blogger.com зэрэг сайтыг эгнээндээ нэгтгээд байна. Үүнээс гадна гар утасны зах зээлд Android үйлдлийн системийг нэвтрүүлж, Social сайтын хүрээнд Google Plus сайтаараа өрсөлдөж байна.

    Wikipedia.com сайт 2000 онд англи хэлний үнэгүй онлайн лавлахын зорилгоор эхлүүлж байсан Nupedia төслөөр эхэлж байжээ. Үндэслэгчид нь Жимми Вэйлс, Ларри Сангер. 2001 онд энэ төсөл одоогийн нэр болох wikipedia нэрийг олсон. Энэ үгний утга нь Хавай-аар wiki буюу хурдан, encyclopedia буюу нэвтэрхий толь гэсэн үгийн pedia гэсэн хэсгийн нийлбэр болно.
    2001 онд 20.000 хүрэхгүй мэдээлэлтэй байсан энэ сайт одоо 22 сая мэдээлэлтэй, 285 хэл дээрх хувилбартай, 365 сая идэвхтэй уншигчидтай, дэлхийн топ сайтуудын 6-д бичигддэг томоохон сайт болтлоо өргөжөөд байна.

    Оллоо ХК нь 2003 оны 11 сард єдєр тутмын мэдээ, мэдээллийн www.olloo.mn портал сайтын тvvх анх эхэлсэн байна.
    Монголын анхны үүрэн телефоны оператор компани анх 2000 онд mobicom.mn сайтыг ажлуулж байжээ. Энэ үед зөвхөн компаний болон үйлчилгээний мэдээллийн зорилготой байсан энэ сайт одоо онлайн худалдаа, картын систем зэрэгтэй болон өргөжөөд байна.
    Banjig.net Анх 2002 оны 8 сарын 29-нд Banjig.com нэрээр үйл ажиллагаа явуулж эхэлсэн ба 2003 оны 7 сар хүртэл үндсэн үйлчилгээнүүдийн нэг болох Banjig. Ил захидалын үйлчилгээг дагнан явуулж байгаад 2003 оны 8 сараас эхлэн Banjig.Net буюу Banjig. Сүлжээ нэртэйгээр үйл ажиллагаагаа өргөжүүлэн ажиллаж эхэлсэн байна.
    Тухайн үедээ монголын №1 сайт байсан бөгөөд Banjig.net -г мэдэхгүй хүн, интернэт кафед Banjig .net руу ороогүй хүн байдаггүй байлаа.
    Одоо Banjig.net нь Блог, Зар, Мэдээ, И-Карт зэрэг салбараар үйл ажиллагаагаа явуулж байна.

    Монголын татварын алба анх 2003 онд вэбсайттай болж www.mta.mn гэсэн домэйн ажиллуулж эхэлжээ. Анхны хувилбар нь хэрэглэгчидэд татварын мэдээлэл олгох, татварын албаны шинэ мэдээллийг нийтлэх зорилготой байсан байан.
    Одоо mta.mn нь зөвхөн татварын мэдээлэл өгөхөөр зогсохгүй электрон тайлан, электрон оффис зэрэг үйлчилгээг нэвтрүүлээд байна.