Нийслэлийн Хүүхдийн төлөө газар, ЗДТГ хамтарч Олон улсын хүүхдийн эрхийн өдрийн арга хэмжээг зохион байгуулдаг. Энэ жилийн хувьд “Хүүхэд гэр бүлдээ жаргалтай” гэсэн уриатай тэмдэглэж, 11.00 цагаас Сүхбаатарын талбайд нээлтээ хийв. Нээлтэд Ерөнхий сайд С.Батболд, Шадар сайд М.Энхболд, Нийслэлийн Засаг дарга Г.Мөнхбаяр тэргүүтэй албаны хүмүүс оролцлоо. Мөн амьдралын боломж тааруугаас болж баяраа тэмдэглэж чаддаггүй ч сурлага, амжилтаараа бусдыгаа манлайлж буй болон эмзэг бүлгийн 40 хүүхдийг Ерөнхий сайд С.Батболд Их тэнгэрийн аманд, өөрийн гэртээ урьсан байна.
Харин Шадар сайд М.Энхболд Чингэлтэй дүүргийн Хөгжлийн бэрхшээлтэй хүүхдүүдийн сэргээн засах төвд очиж баярын бэлэг өгөхөөр болжээ.
