Хорин гурван жилийн өмнөх энэ өдөр Хятадын Тань Ань Миний талбай дээр оюутнуудын бослого хөдөлгөөн гарч, түүнийг нь Хятадын Засгийн газар хүчээр дарсан билээ. Энэ үеэр олон зуун оюутныг баривчилж, заримынх нь амь насыг хороосон. Хятадын шоронд энэ хэрэгт холбогдсон улс төрийн хоригдлууд одоо хүртэл байдаг тул АНУ-ын төрийн департментын төлөөлөгч Марк Тонер тэр хүмүүсийг суллах хэрэгтэй хэмээн мэдэгдлээ. 1989 оны 6-р сарын дөрөвний өдөр чухам хэдэн хүн нас барсан, хэдэн хүн хоригдсон талаар нарийн тоо баримтыг тэдний гэр бүл болон олон нийтэд зарлах ёстой гэж үзэж байгаагаа АНУ сануулсан байна.
   Өнөөдөр Тань Ань Миний бослогыг дурсан жагсаал хийсэн 20 хүний эрхийн тэмцэгчийг Фужан мужийн цагдаа нар зодож, баривчилсан тухай мэдээлэл гараад байгаа. Гэсэн ч үүнийг Фужан мужийн цагдаагийн газар болон Хятадын бусад албаны хүмүүс үгүйсгэж байгаа юм.