Олимпийн эрх авсан тамирчидаас авсан допингийн шинжилгээний хариу гарч хэд хэдэн жинд өөрчлөлт орсон байна. Манай улсын тамирчин Э.Сумъяагаас допин илэрч олимпийн эрхээ алдсан байна. Тэрбээр өнгөрсөн гуравдугаар сард Казахстан улсын Астана хотын “Даулет” спортын цогцолборт Олимпын эрх олгох сонгомол болон чөлөөт бөхийн тэмцээнд ялснаар Олимпийн эрхээ аваад байсан юм. Тодруулбал,  эмэгтэйчүүдийн 53 кг-д ОУХМ Э.Сумьяа дэвжээнд гарч эхний тойрогт БНСУ-ын бөхийг 10:4 харьцаагаар, Энэтхэгийн бөх Бабитаг 15:8 харьцаагаар ялж, Олимпын эрхээ авсан байсан юм.

Эрэгтэй:

65 кг-д Магомедмурад Гаджиев /Польш/, Андрей Кватковскый /Украйн/ нарын хариу сөрөг гарч Олон улсын олимпийн хороо тус улсын олимпийн эрхийг Гүржийн Зураби Якобишвили, Армений Дэвид Сафарян нарт шилжүүлэв. Гүржийн бөх эхний эрх олгох тэмцээнээр Болгарын Борис Новачков-г хожиж эрхээ аль хэдийн авчихсан байсан. Новачков сүүлийн эрх олгох тэмцээнд түрүүлж эрхээ авчихсан. Тиймээс 1 эрх нь сүүлчийн эрх олгох тэмцээнд 3-р байр эзэлсэн АНУ-н Франк Молинара-руу шилжлээ.

125 кг: Аллен Засеев /Украйн/, Юсуп Жалилау /Беларус/-н эрхийг хурааж Киргизстан, Унгар улсын бөхчүүдрүү шилжив.

Эмэгтэй:

53 кг-д Монголын бөх Сумьяагийн хариу нь positive гарч энэ жингийн олимпийн эрх нь Энэтхэг улсруу шилжлээ.

58кг: Украйны бөх Оксана Хершэл-н шинжилгээний хариу мөн л Positive гарч эрх нь Молдав улсын бөх Мариана Чедирава-д шилжив.

85кг: Киргизийн бөхийн эрх нь Энэтхэг улс руу шилжлээ.