БАРИМТ 1
Гунаажавын Эрхэмбаяр нь Сэлэнгэ аймгийн Мандал сумын уугуул, үндэсний бөхийн улсын аварга юм.
БАРИМТ 2
Сэлэнгэ аймгаас анх 1933 онд Дамдинсүрэнгийн Данзан арслан цол хүртсэнээс хойш ная гаруй жилийн дараа "арслан" цол хүртэж түүхэн шинэ амжилтын эзэн.
БАРИМТ 3
Улмаар 2013 оны улсын наадамд түрүүлж улсын аварга цол хүртжээ.
БАРИМТ 4
1978 оны 11 дүгээр сарын 15-нд төрсөн.
БАРИМТ 5
2001 онд Хөвсгөл аймгийн наадамд 5 давж Аймгийн начин цол хүртсэн.
БАРИМТ 6
2003 онд Дархан-Уул аймгийн наадамд түрүүлж Аймгийн арслан цол хүртжээ.
БАРИМТ 7
Улмаар 2003 онд Улсын наадамд 5 давж Улсын начин цол хүртсэн.
БАРИМТ 8
2006 онд Улсын наадамд 5 давж Өсөх идэр чимэг нэмсэн.
БАРИМТ 9
2011 онд Улсын наадамд 9 давж үзүүрлэн Улсын арслан цол хүртжээ.
БАРИМТ 10
2012 онд Улсын наадамд 7 давж Саруул сайжрах чимэг нэмсэн.
БАРИМТ 11
2013 онд Улсын наадамд 9 давж түрүүлэн Улсын аварга цол тус тус хүртсэн.
БАРИМТ 12
2016 онд Улсын наадамд 8 даван дөрөвт үлджээ.
БАРИМТ 13
2017 онд Улсын наадамд 6 даван шөвгөрсөн.
БАРИМТ 14
Түүний уг гарал угсаа Завхан гэдэг. Аав, ээж нь хоёулаа Завханых ч хүүгээ төрж, өссөн нутгаараа овоглоороо гэсэн тул тэрбээр Сэлэнгээр овоглодог.
БАРИМТ 15
Түүний эцэг, эх нь оюутан наснаасаа хотод суурьшсан. Харин ажлын гараагаа Зүүнхараагаас эхлэх үед нь Г.Эрхэмбаяр мэндэлжээ. Түүний аав Гун-Аажав жирийн малчин хүн ч самбо бөхийн мастер цолтой. Бие галбирын хувьд жижгэвтэр хэрнээ булчинлаг хүн байсан аж.
БАРИМТ 16
Тэрбээр дунд сургуулиа төгсөөд гэрийнхнээсээ ганцаараа мал дагасан. Ах нар нь эрдэм номын мөр хөөгөөд явчихсан болохоор түүнээс өөр мал маллах хүн байгаагүй. Гэвч аав нь түүнийг мэргэжилгүй малчин болгохыг хүсээгүй учир Д.Цэнд-Аюуш зааныг дагуулж, 1997 онд Ж.Мөнхбат аваргын Их шавийн дээд сургуульд оруулсан гэдэг.
БАРИМТ 17
Тэрбээр аавыгаа амьд сэрүүнд нь аймаг сумын олон наадамд оролцож баярлуулж байсан ч улсын цол авч чадаагүйдээ одоо ч харамсадаг. Начин болж аавыгаа баярлуулна гэж найдаж байсан ч хоёрын даваанд өвдөг шороодсон тэр барилдаанаас хойш сумынхаа ойн баярт оролцож түрүүлж аавыгаа нэг сайн баярлуулсан гэдэг. Тэр үед аав нь Г.Эрхэмбаярыг хадаг, мөнгөн аягатай сүүтэй угтаж байсан.
БАРИМТ 18
Харин одоо барилдаан бүрийнхээ өмнө аавынхаа өгсөн мөнгөн аяганд эхнэрийнхээ чанасан цайны дээжээс уучихаад, зодог шуудгаа бүслээд гардаг уламжлалтай болжээ. Шинэ аварга маань Өвөрхангай аймгийн хүргэн. Түүний ханийг Ц.Дэлгэрмаа гэдэг бөгөөд банк санхүүгийн мэргэжилтэй. Аваргынх Э.Ариунзаяа гэдэг эрх шар охинтой. Г.Эрхэмбаяр улсын цол автлаа эхнэр авахгүй гэж байсан ч ханьдаа дурлаж улсын цолтой болохоосоо өмнө хуримаа хийж байсан юм. Гэвч тэд салсан.
БАРИМТ 19
Бөх хүн хэдий бүдүүн бараг харагддаг ч тэд хүүхэд шиг гэнэн зантай байдаг гэдгийг Г.Эрхэмбаяр аваргын үйлдлээс харж болох юм. Г.Эрхэмээ аварга аавыгаа баярлуулж чадаагүйдээ харамсаж дахин барилдахгүй гэж байсан ч багшийнхаа үгэнд орж зүлэг ногоон дэвжээнээ дахин гарч байсан юм.
БАРИМТ 20
Түүнийг аварга болоход Сэлэнгэ аймгийнхан нь Mercedes Benz-G500, Зайсанд 3 өрөө байр бэлэглэсэн юм.
БАРИМТ 21
Түүний харьяалагддаг “Сүлд” спорт хорооны дарга байсан Ц.Баярсайхан түүний нагац ах. Тиймээс ч Г.Эрхэмбаярыг өөр дээрээ авсан гэдэг.
БАРИМТ 22
Г.Эрхэмбаяр бол Монгол Улсын 21 дэх аварга юм.
БАРИМТ 23
Тэрбээр Монгол бөхийн өргөөнд 21 удаа түрүүлсэн.
БАРИМТ 24
Харин 13 удаа үзүүр булаажээ.
