Хумсны хавдар гэдэг нь хумсны доор үүсдэг хортой эсүүдийн өсөлт, энгийнээр хэлбэл хумсны доорх эд эс эрүүл бус байдлаар хурдан, хяналтгүй өсч, хумсны хэлбэр, өнгө, бат бөх чанарт өөрчлөлт үүсгэдэг өвчин юм.

Хумсны хавдар ихэнхдээ анзаарагдах шинж тэмдэггүй байдаг ч дараах өөрчлөлтүүд илэрвэл анхаарах хэрэгтэй. 

• Хумсан дээр хар эсвэл бор өнгийн зураас гарч ирэх
• Хумс зузаарах, хуваагдах, хугарах эсвэл салж эхлэх
• Хумсны эргэн тойрны арьс харлах

Эдгээр шинж тэмдгийг ихэнх хүн хумсны мөөгөнцөр, гэмтэл гэж андуурдаг. Тиймээс өөрчлөлт удаан хугацаанд үргэлжилж байвал арьсны эмчид үзүүлэх нь чухал.

Судалгаагаар хумсны хавдар нь арьсны бүх хорт хавдрын дунд маш ховор тохиолддог. Монголд хумсны хавдрын албан ёсны бүртгэл байхгүй ч арьсны эмч нарын үзлэгээр зарим тохиолдлууд илэрч эмчлэгдэж байна.

Хумсан дээр хар эсвэл бор өнгийн зураас, хумс хугарч салах, арьс харлах зэрэг өөрчлөлт гарвал яаралтай эмчид үзүүлэх хэрэгтэй. Энэ нь хумсны хавдрыг эрт үед илрүүлэхэд туслах юм.