Төр, нийгмийн нэрт зүтгэлтэн Маршал Юмжаагийн Цэдэнбалын мэндэлсний 100 жилийн ойд зориулсан“Алдар гавъяаны замнал” үзэсгэлэн Монголын Үндэсний музейд дэлгэгдэж байна. 

Юмжаагийн Цэдэнбалд холбогдох 700 гаруй эд өлөг 1990 оны 9 дүгээр сард Улсын Прокурорын Ерөнхий газраас Монголын Үндэсний Музейн сан хөмрөгт шилжин ирж хадгалагдсанаас энэхүү Үзэсгэлэнд 150 гаруйг нь түүвэрлэн хүргэх ажээ. Мөн тус үзэсгэлэнд Монгол банкны Зах зээлийн газрын Эрдэнэсийн санд хадгалагдаж буй Ю.Цэдэнбалын БНМАУ-ын Улсын Баатарын “Алтан таван хошуу”, Хөдөлмөрийн Баатарын “Алтан соёмбо”, Маршал сэлэм зэрэг эд өлгийг анх удаа олонд дэлгэн үзүүлж байгаагаараа онцлог юм байна.

Үзэсгэлэн 10 дугаар сарын 15 хүртэл олонд нээлттэй.