Өнгөрсөн долоо хоногт Нийслэлийн өмчийн харилцааны газрын дарга Б.Амаржаргалыг АТГ-аас баривчлан саатуулсан. Үүний өмнө буюу долдугаар сард Баянзүрх, Сүхбаатар, Баянгол дүүргийн Өмч, газрын харилцааны албаны даргыг мөн АТГ-аас баривчилсан гэх мэдээлэл цацагдсан билээ. Дээрх хүмүүсийн дунд Сүхбаатар дүүргийн Өмч, газрын харилцааны албаны дарга Т.Мөнхбаатарын нэр дуулдаж байсан бөгөөд түүнийг хорьсон ч батлан даалтад гаргасан гэх мэдээлэл байгаа. Бид энэ талаар Т.Мөнхбаатараас өөрөөс нь тодрууллаа. 

- Таныг АТГ-аас саатуулсан ч батлан даалтад гаргасан гэх мэдээлэл байна. Энэ талаар мэдээлэл өгнө үү? 

- Намайг хориогүй. Би ажлаа хийгээд л байж байна. 

- Тэгвэл яагаад ийм мэдээлэл гарсан юм бол? 

- Би сайн мэдэхгүй байна. Хүнтэй андуурагдсан юм шиг байна лээ. 

Т.Энхэлээ