Наталиа Кастеллар бол өсвөр үеийн, 17 настай эгэл жирийн л охин. Гэхдээ түүний хэтэрхий өтгөн хөмсөг бусдаар шоолуулах нэг шалтгаан болдог байжээ.
Бусдын доог тохуу хийдэг байсан өтгөн хар хөмсөг нь нэг л өдөр түүний давуу тал болж, загварын ертөнцөд хөл тавихад нь тус болно гэж хэн санах билээ.
Тэрээр “Намайг жаахан байхад хүүхдүүд над руу хуруугаа чичлээд л хөмсөгийг маань шоолдог байсан. Би бүр хөмсөгөө хусчихмаар санагддаг байсан гээч. Эхэндээ би их эмзэглэдэг байсан ч одоо бол хөмсөгөндөө хайртай болсон. Би дунд сургуулиа төгсөөд загварын ажлаараа дэлхийгээр аялахыг тэсэн ядан хүлээж байна. Одоо хүртэл хөмсөгний минь талаар зарим нь өө хайсаар л байдаг. Гэхдээ би үүнд огтхон ч эмзэглэдэггүй, учир нь тэдний ганц хүсэл нь намайг эмзэглүүлэх байдаг" гэжээ.
Наталиа өдгөө Нью-Йорк хотноо байрладаг "NEXT Models" агентлагтай гэрээгээр ажилладаг аж. Мөн хэд хэдэн сурталчилгааны зураг авалтанд оролцсон нь түүнийг олонд таниулж, алдартай болгоод байгаа юм. Гэхдээ тэрээр олон загварын агентлагийн саналуудаас тус газрыг сонгосон нь энэ аж.
