1. Obsidian ресторан- Сүүлийн үеийн мэдрэмжтэй залуус дурлалт бүсгүйдээ гэрлэх саналаа тавьж байгаа. Толин хана, сонгодог тохижилт, цав цагаан төгөлдөр хуур, өндөр лааны дэргэд.  Broadway-н салбарууд дундаасаа хамгийн тансагт тооцогдох энэ романтик ресторанд Ирланд, Франц, Англи үндэсний амтат хоол, дессерт болон өргөн сонголттой дарсаар үйлчилдэг. Гадаад орчноос тусгаарлагдан нэгэн үдшийг хоёулахнаа хайрын үгсээ ярилцан өнгөрүүлэхэд нэн тохиромжтой. Бямба гариг бүрийн 20:00 цагаас Kush and Oyuka хамтлагийн амьд жазз тоглолтыг алгасаж болдог байна. Хаяг: Сүхбаатарын талбайн хажууд, Хангарьд ордны хойд талд, Броадвей рестораны хоёрдугаар давхарт.
2. Monet ресторан- Шөнийн гэрэлт Улаанбаатарыг том цонхоор тольдонгоо өөр хаана ч байхгүй 100 гаруй төрлийн виноны менюнээс сонголтоо хийн шимж, сэтгэлийнхээ үгийг сэм сэмхэн солилцох нь их хотын болзооны хамгийн тансаг хувилбар. Тус рестораныг XIX дүгээр зууны Импресионизм урсгалын үүсгэн байгуулагч гол төлөөлөгч, Францын алдарт зураач Claude Oscar Monet-ийн нэрээр “Monet” хэмээн нэрлэжээ. Хоолны цэснээс нь сонирхуулвал: Вагю үхрийн мах, Шинэ Зеландын хурганы мах, далайн хясаа, Норвегийн яргай загас гэх мэт. Хаяг: “Centrel tower” –ын 17 давхарт.
3. Azzuro ресторан- Газар дундын тэнгисийн ер бусын хоолны амтыг юугаар илэрхийлж болох вэ?Хөх өнгөөр. Хүйтэн гэсэн утгаараа биш юм шүү, харин хөнгөн, сэтгэлд хоногшим гүн гэсэн утгаараа. Тиймээс ч тэнгисийн хөх өнгөний нэрээр эднийхэн ресторанаа нэрлэжээ. Аззурро нь ихэнхийг нь газар дундын тэнгисийн хөвөөнөөс импортлон оруулж ирсэн хамгийн шинэхэн бүтээгдэхүүн түүхий эдийг ашигладаг. Тиймээс таашаал мэдрүүлэхүйц оройн зоогийн хамт найз нөхөд, хайрттайгаа хамт мартагдахааргүй үдшийг өнгөрүүлэхийг хүсвэл Чингисийн өргөн чөлөөд байрлах Monnis цамхагийн 15 давхрыг зориорой.
4. Black Pearl ресторан- Хотын А зэрэглэлийн бүсэд байрлах дээд зэрэглэлийн дахин давтагдашгүй стильтэй ресторан. Лхагва гариг бүр чадварлаг төгөлдөр хуурч Дооноо, гитарчин Вовка нарын хамтарсан амьд хөгжмийн тоглолт харин баасан гариг нь Ladies Night буюу бүх үйлчүүлэгч бүсгүйчүүддээ үнэгүй коктэйл, амьд хөгжмийн төгөлдөр хууртай тоглолт болдог. Очих газар: МУИС-ын 4-ийн урд талд байрлах “Black Pearl” ресторан.
5. Time Square ресторан- Өвөрмөц интерьертэй дээд зэрэглэлийн ресторан. "Sapporo” төвийн замын урьд талд TNT hotel дотор байрладаг. Баасан Бямба гаригуудад “North Ducks” амьд хөгжмийн тоглолт болдог.
6. Downtown ресторан, паб- Босоо цонхоор хотын өрнөлийг ширтэнгээ, задгай пиво коктейлны аль нэгийг шимэн сууж, хайрттайгаа дүрсгүй үг солилцох газар бол Downtown. Баасан гариг бүр 21:00-22:00 цаг хүртэл U.F.O хамтлагий амьд хөгжмийн тоглолттой. Хаяг: СБД, 3-р хороо, Хүүхдийн 100, Brauhaus баруун талд, TDB эсрэг талд.
7. Hadjurao- Энэтхэгийн дурлалын сүмд хайр сэтгэлийнхээ нэгээхэн дурсамжийг мөнхлөхийг хүсч байна уу? Хаджурао сүм нь манай эрний VIII-IX зуунд баригдсан эртний ёс заншил, бадрангуй сэтгэлийг үлгэр домгоор илэрхийлсэн барилга, уран баримлын цогцолбор, урлагийн давтагдашгүй бүтээл аж. Сүмийн ханан дээр эр эмийн ёсыг, олон янзын байрлалтай нь бурханлаг, тэнгэрийн дагина, хөвгүүдээр сүрлэг хээнцэр байдлаар дүрсэлсэн байдаг юм байна.Улаанбаатар хотод яг энэ сүмийг санагдуулам нууцлаг, ид шидийн мэт орчинтой тансаг ресторан байрлаж байна. Хаяг: БЗД, 15-р хороо/ БЗД -ийн захиргаа БЗД- ийн цагдаагийн хэлтэс хоёрын дунд
8. Slade ресторан- Хэрвээ дээр дурдсан зарим ресторануудын цэсийн үнэ арай л "чангадаад" байвал, тийм ч их мөнгө зарлагадахгүйгээр тансаг орчинг мэдрэх боломж Slade-д бий.