Математик стратеги, ер бусын сэтгэлгээ, азтай тохиолдол зэрэг нь зарим хүмүүсийг асар их мөнгө хожих замд хөтөлдөг. Өнөөдөр бид спортын үр дүнг тааж, багагүй хөрөнгөтэй болсон азтай хүмүүсийн тухай өгүүлэх болно.

1. Британийн байшин дээвэрлэгч Мик Гиббс хөлбөмбөгт тийм ч их дуртай нэгэн байгаагүй бөгөөд лигийн тоглолтуудын үр дүнгүүдийг ч тэр болгон тогтмол хардаггүй байж. Гэвч өөрийгөө зугаацуулах зорилгоор бага хэмжээний мөнгөөр спорт тааварт оролцох тавих дуртай нэгэн байсан бөгөөд азын тэнгэр түүнийг нэг өдөр ивээсэн юм.

1999 онд тэрээр 9 хөлбөмбөгийн тоглолтын үр дүнг таах тааварт ердөө 2.50 фунт зарцуулсан. Нийт магадлал 62,800-аас нэг байсан тул хожих найдвар бараг байхгүй байв. Гэвч гайхамшиг болж, бүх 9 таамаг нь биелж, 157,000 фунт хожжээ! Гэхдээ үүгээр дуусахгүй. 2001 онд Мик энэ удаа 15 тоглолтыг зөв тааж, 1,600,000-аас нэг магадлалтайгаар 500,000 фунт хожсон юм. Гэхдээ энэ удаа тэрбээр ердөө 0.3 фунт тавьсан байжээ. 

2. Тони Блум болон Мэттью Бенхэм нар нэр хүндтэй их сургууль төгссөн бөгөөд спорт тааврыг шинжлэх ухаан болгож чадсан хүмүүс. Тэдний байгууллагууд спортын үр дүнгийн магадлалыг математик загварчлалаар тооцоолдог бөгөөд багуудын талаарх бүх нарийн мэдээллийг шинжилдэг. Иймээс жил бүр хэдэн зуун сая еврогийн орлого олдог бөгөөд Тони Блум нь Брайтон, Мэттью Бенхэм нь Брентфорд клубыг тус тус эзэмших болжээ.

3. 2015 оны 12-р сард Тайла Полиа Бостон хотын хүйтнээс түр хугацаанд Лас Вегасын халуун уур амьсгал руу нүүжээ. Тэр үед Лас Вегас түүнд маш том аз авчирна гэж төсөөлөө ч үгүй байв. Тайла NFL-ийн 15 тоглолтын үр дүнг тааж, 105,000 долларын хожил хүртжээ! Түүнийг анхлан тоглогчдын аз дагадаг гэдгийг баталсан хоёр баримт байдаг нь энэ бол түүний амьдрал дахь хоёр дахь бооцоо байсан ба нэг тоглолтын үр дүнг санамсаргүйгээр зөв таасан байдаг байна.

4. 21-р зууны хамгийн том хөлбөмбөгийн гайхамшиг бол 2016 онд Лестер Сити Премьер лигт түрүүлсэн явдал юм. 2015 онд тэд лигээс унах шахсан бол, дараа жилийн улирлын өмнө түрүүлэх магадлалыг 5,000:1 гэж үнэлж байв. Гэсэн хэдий ч дэлхий даяар хэдэн зуун хүн энэ гайхамшигт итгэж азтан болсон. Зарим нь "cashout" буюу түрүүлж мөнгөө бага хэмжээгээр авах аргыг сонгосон бол, хамгийн тэвчээртэй хүмүүс 200,000 фунт хүртэл хожсон байдаг.