ОХУ-ын Краснодарын хязгаарын Кримск район үеэрт автаж 24 мянган хүн үерийн  аюулд нэрвэгдсэн. Тэдгээр иргэдийн 170 нь  амь насаа алдсан тухай ОХУ-ын  Дотоод хэргийн  яамнаас эцсийн байдлаар мэдээллээ. Гамшигт  үерийн  улмаас  нас барсан иргэдийн  дурсгалыг  хүндэтгэн өчигдөр  ОХУ үндэсний гашуудлын өдөр зарласан юм.
  Ерөнхийлөгчийн шийдвэрээр үеэрт автсан иргэдийн ар гэр бүрт  нэг сая рубль олгохоор болсон. Харин амь үрэгдсэн иргэдийн  ар гэрт  хоёр сая рубель  олгох болжээ. Одоогийн байдлаар 104 хүн эмнэлэгт  хэвтэн  эмчлүүлж байна. Тэдгээрийн  13 нь  бага насны хүүхэд юм байна.
  Үерийн  гамшгийн  дараах онцгой байдлын албаныхны гаргасан хохирлын мэдээлээр 5185 байшин, 2035 хашаа үерт автсан  аж.  Нийтдээ 3300 айл  ямарч  эд хогшилгүй болсон гэнэ. Гэр  оронгүй болсон хүмүүс  хоргодох байранд амьдарч байна. Усны төвшин зарим газраар долоон метрээс дээш гарсан төдийгүй, айлуудын  эд хогшил,  машинууд зомгол  мэт хөвж байсан  хэмээн орон нутгийн радио мэдээлж байсан юм. Хүмүүсийн ярьж буйгаар орон  сууцны хорооллын хоёр давхарын цонхоор үерийн ус орж байжээ. Тухайн бүс нутаг одоо  хэр цахилгаангүй байгаа бөгөөд ундны цэвэр усны хүрэлцээ муутай хэвээр байна.