Хамгийн шимтүүштэй уралдаантай их морь гарааны зурхай руу хөдлөөд хориод минут болж байна.
    Хамгийн шимтүүштэй уралдаантай их морь гарааны зурхай руу хөдлөөд хориод минут болж байна. Газар газрын шандаст 417 хүлэг дунд хурдан морь сонирхогчдын эчнээ танил энэ цагийн эгэлгүй хурдан буянгууд олон морджээ. Жишээлбэл өнгөрсөн жилийн аман хүзүү  Ө.Төгсбатын бор, айргийн дөрвийн эзэн МУ-ын Алдарт уяач Бямбасүрэнгийн  хээр, МУ-ын Алдарт уяач,  “Унаган хурд” гал уяаны гишүүн Б.Буяннэмэхийн бүсийн наадмын хоёр айргийн эзэн хээр халзан,  цагаан болон улсын гурав, бүсийн хоёр айргийн эзэн Манлай уяач, “Морин-Эрдэнэ” галын гишүүн Б.Мөнхтөрийн бор,  улсын нэг, бүсийн таван айргийн эзэн МУ-ын Алдарт уяач , “Гацуурт” ХК-ийн захирал Л.Батмөнхийн Данагар хул, улсын наадмын түрүү, бүсийн наадмын гурван айргийн эзэн Манлай уяач Б.Эрдэнэгэрэлийн хонгор, улсын наадмын түрүү, бүсийн наадмын хоёр айргийн эзэн Б.Өнөрбаянгийн халтар, улс бүсийн наадмын нэг түрүү, гурван айргийн эзэн МУ-ын Алдарт уяач,”Дорнын унага” гал уяаны гишүүн Н.Хүрлээгийн Яруу саарал, улс бүсийн нэг түрүү, таван айргийн эзэн, Тод манлай уяач С.Ганхуягийн бор,  төрийн болон бүсийн наадмын түрүү, нэг айргийн эзэн “Мандал-Алтай” группийн Ерөнхийлөгч С.Балдандоржийн хонгор, улсын наадмын гурван айргийн эзэн, “АПУ” –ийн захирал П.Батсайханы  өсгий цагаан зээрд, улсын нэг, бүсийн хоёр удаагийн түрүү, нэг айргийн эзэн Б.Батбаярын Зоос бор, бүсийн наадмын аман хүзүү Б.Баатарын хонгор, Архангай аймгийн  Цахир сумын уугуул О.Мэндбаярын хонгор, бүсийн наадмын хоёр айргийн эзэн М.Энхбатын  шарга, бүсийн нэг айргийн эзэн  С.Баатарын хүрэн, төрийн наадмын аман хүзүү, “Монмасло” ХК-ийн захирал Ганзоригийн хээр, ММСУХ-ны тэргүүн,Шадар сайд М.Энхболдын  “Дүнжингаравын хурд-2012”  аман хүзүү хүрэн халзан,  бүсийн наадмын түрүү, Ө.Охиноогийн буурал, бүсийн наадмын айргийн эзэн З.Мэндсайханы хээр,  бүсийн хоёр айргийн эзэн Л.Жамбалдоржийн шарга, бүсийн наадмын нэг түрүү, нэг айргийн эзэн Ч.Хүрэлбаатарын хээр,   бүсийн наадмын  нэг айргийн эзэн Ч.Цогтбаатарын буурал, Манлай уяач Д.Бат-Эрдэнийн  бүсийн наадмын нэг айргийн эзэн бор, нийслэлийн Алдарт уяач Д.Дүйнхэржавын бүсийн наадмын нэг айргийн эзэн Суман хүрэн, Б.Чинбатын улсын наадмын айргийн эзэн зээрд, Д.Энхбаярын бүсийн наадмын хоёр айргийн эзэн халтар хээр, шигшмэл морьдын  Их хурд уралдааны айргийн эзэн Б.Найдандоржийн ногоон, бүсийн наадмын түрүү Д.Баясгалангийн  хүрэн, бүсийн наадмын түрүү Н.Базаргарьдын  хонгор халзан,  улсын наадмын айргийн эзэн МУ-ын Алдарт уяач Ц.Бямбадоржийн  буурал, бүсийн наадмын айргийн эзэн Ө.Шинэтулгын хонгор, улс бүсийн наадмын хоёр айргийн эзэн Б.Цэрэнбалтавын бор, бүсийн наадмын нэг түрүү, хоёр айргийн эзэн Д.Эмхүүгийн хүрэн халзан, бүсийн наадмын нэг  айргийн эзэн Т.Лхаасүрэнгийн бор зэрэг төрийн адист хүлгүүд морджээ.