Улс төрч эрхмүүдийн бие биенээсээ илүү гарах гэж өрсөлддөг зүйл бол наадмын үеэр уясан морь нь хэр шандастай байж, наадмын тоосыг өргөх вэ гэдэг байдаг. УИХ-ын дэд дарга асан Г.Батхүү, УИХ-ын гишүүн Ч.Улаан, Б.Бат-Эрдэнэ, Су.Батболд, Х.Баттулга, М.Энхболд, Б.Наранхүү, Д.Бат-Эрдэнэ, Ц.Даваасүрэн, Ц.Цэнгэл гээд моринд хорхойтой улс төрчдийн нэрс хөвөрнө. Эдгээр эрхмүүдийн олонхи нь АН-ын бөгөөд МАН-ын хоёр уяач байсан Ч.Улаан МАХН-д орж, Ц.Даваасүрэн бие даагч гишүүн болсон билээ.
Д.Бат-Эрдэнэ
Энэ жилийн наадамд хамгийн одтой өнгөтэй байгаа нь “Ажнай” корпорацийн ерөнхийлөгч Д.Бат-Эрдэнэ юм. Түүний Ембүү халзан азарга наадмын түрүү магнай боллоо. Тэрбээр Өмнөговийн уяач, бөхчүүдийг жил бүр ивээн тэтгэж байдаг. Ембүү халзанаас өөр сүргийн манлай болсон хурдан хүлгүүд түүнд олон бий.
Г.Батхүү
УИХ-д дахин сонгогдож чадаагүй гишүүн асан, тод манлай уяач Г.Батхүүгийн Соёмбо зээрд айргийн гуравт хурдлав. Наадам болгоноор эгшиглэдэг “Толин хул” дууг зохиосон гэдэг Г.Батхүү бол жинхэнэ морины тоос үзээд самсаа нь шархирдаг эр хүн гэлцэх нь бий. Тиймээс наадмын өдрүүдэд Хүй долоон худагаас салдаггүй нэгэн юм.
Б.Наранхүү
УИХ-ын гишүүн Б.Наранхүүгийн хувьд саяхан ММСУХ-ны дээд шагнал “Молор-Эрдэнэ” одонгоор шагнуулсан. Түүний хээр азарга өнгөрсөн жилийн уралдаанд түрүү магнай болж байсан юм. Тэрбээр улс төрийн хүрээнд орж ирэхээсээ өмнө сайн морьдоороо танигдсан гэдэг. Сонгуулийн сурталчилгаандаа ч уяач, бөхчүүдийг оролцуулсэн гэх мэр сэр яриа байдаг. Тэрбээр сонгуулийн сурталчилгааныхаа нээлтэнд “Надад нэгэн буурай “Адуугаа түрүүлгэсэн хүү аймгаа улсад түрүүлгэж болно шүү дээ” гэж хэлсэн. Тиймээ, би адуугаа улсад түрүүлгэсэн шигээ аймгаа улсад түрүүлгэхээр ирж байна” гэж байв.
Су.Батболд
Манлай уяач Сундуйн хүү гэдгээр нь Төв аймгийнхан, морины хорхойтнууд ч анддагүй УИХ-ын гишүүн С.Батболд жил бүрийн наадамд хурдан адуугаа уралдуулдаг. 2009 онд Төв аймгийн наадамд хязаалан насанд уралдсан хүрэн халзан үрээ нь хол тасархай тvрvvлсэн. Тэрбээр “Сүүлийн vед Сүхбаатар, Хэнтий чиглэлийн адуугаар цус сэлбэж байна. Хурдан гэх бүх морийг уяхаар тэр бүрт унах хүүхэд олдохгvй. Энэ гайгүй гэснийгээ л сойдог” гэжээ. Су.Батболд гишүүний том хүү ч мөн өвөө, аавынхаа сонирхлыг өвөлсөн хурдан морины хорхойтон аж.
Ч.Улаан
МАХН-ын дэд дарга, манлай уяач Ч.Улаан улс төрч дундаа хурдан морь ярих хоббитой хүмүүсийн нэг. Түүнийг Сүхбаатар аймгаас олон удаа сонгогдсон нь морьтой холбоотой гэж ярих нь бий. Түүнийг Сүбхаатар аймгийн морьдыг үнэд хүргэсэн хүн гэж хэлдэг нь үнэний ортой. Сүхбаатарын сумын наадамд түрүүлсэн морь өдгөө 20-30 сая төгрөгөөс буухгүй болсонд Ч.Улаан гишүүний гавъяа гэдэг аж.
Ц.Даваасүрэн
Бие даагч гишүүн болсон Ц.Даваасүрэнгийн уясан адуу энэ жил өнгөтэй байна. Ц.Даваасүрэнгийн буурал азарга өчигдөр наймд давхиж эзнээ баярлууллаа. Тэрбээр хэвлэлийнхэнд адуу, морины тухай яриад байдаггүй, харин чимээгүйхэн наадамд морио сойж суудаг нэгэн юм.
Аварга Б.Бат-Эрдэнэ барилдахаа больсон ч наадмын өдрүүдэд сойсон хүлгээ харуулдан суудаг болсон. УИХ-ын хамгийн олон малтай гэгдэх түүнд 20 гаруй хурдан удмын адуу байдаг. Харин МоАХ-ны тэргүүн Х.Баттулгын хувьд энэ жил хэд хэдэн адуу сойгоод байгаа. Түүний алаг морь өмнө нь улсад түрүүлж байсан түүхтэй юм. Энэ мэт улс төрч- уяачид сонгуулиар өөрсдөө уралдаж, сонгуулийн дараа уясан морьдоороо өрсөлдөж байна.
Д.Бат-Эрдэнэ Энэ жилийн наадамд хамгийн одтой өнгөтэй байгаа нь “Ажнай” корпорацийн ерөнхийлөгч Д.Бат-Эрдэнэ юм. Түүний Ембүү халзан азарга наадмын түрүү магнай боллоо. Тэрбээр Өмнөговийн уяач, бөхчүүдийг жил бүр ивээн тэтгэж байдаг. Ембүү халзанаас өөр сүргийн манлай болсон хурдан хүлгүүд түүнд олон бий.
Г.Батхүү
УИХ-д дахин сонгогдож чадаагүй гишүүн асан, тод манлай уяач Г.Батхүүгийн Соёмбо зээрд айргийн гуравт хурдлав. Наадам болгоноор эгшиглэдэг “Толин хул” дууг зохиосон гэдэг Г.Батхүү бол жинхэнэ морины тоос үзээд самсаа нь шархирдаг эр хүн гэлцэх нь бий. Тиймээс наадмын өдрүүдэд Хүй долоон худагаас салдаггүй нэгэн юм.
Б.НаранхүүУИХ-ын гишүүн Б.Наранхүүгийн хувьд саяхан ММСУХ-ны дээд шагнал “Молор-Эрдэнэ” одонгоор шагнуулсан. Түүний хээр азарга өнгөрсөн жилийн уралдаанд түрүү магнай болж байсан юм. Тэрбээр улс төрийн хүрээнд орж ирэхээсээ өмнө сайн морьдоороо танигдсан гэдэг. Сонгуулийн сурталчилгаандаа ч уяач, бөхчүүдийг оролцуулсэн гэх мэр сэр яриа байдаг. Тэрбээр сонгуулийн сурталчилгааныхаа нээлтэнд “Надад нэгэн буурай “Адуугаа түрүүлгэсэн хүү аймгаа улсад түрүүлгэж болно шүү дээ” гэж хэлсэн. Тиймээ, би адуугаа улсад түрүүлгэсэн шигээ аймгаа улсад түрүүлгэхээр ирж байна” гэж байв.
Су.Батболд
Манлай уяач Сундуйн хүү гэдгээр нь Төв аймгийнхан, морины хорхойтнууд ч анддагүй УИХ-ын гишүүн С.Батболд жил бүрийн наадамд хурдан адуугаа уралдуулдаг. 2009 онд Төв аймгийн наадамд хязаалан насанд уралдсан хүрэн халзан үрээ нь хол тасархай тvрvvлсэн. Тэрбээр “Сүүлийн vед Сүхбаатар, Хэнтий чиглэлийн адуугаар цус сэлбэж байна. Хурдан гэх бүх морийг уяхаар тэр бүрт унах хүүхэд олдохгvй. Энэ гайгүй гэснийгээ л сойдог” гэжээ. Су.Батболд гишүүний том хүү ч мөн өвөө, аавынхаа сонирхлыг өвөлсөн хурдан морины хорхойтон аж.
Ч.УлаанМАХН-ын дэд дарга, манлай уяач Ч.Улаан улс төрч дундаа хурдан морь ярих хоббитой хүмүүсийн нэг. Түүнийг Сүхбаатар аймгаас олон удаа сонгогдсон нь морьтой холбоотой гэж ярих нь бий. Түүнийг Сүбхаатар аймгийн морьдыг үнэд хүргэсэн хүн гэж хэлдэг нь үнэний ортой. Сүхбаатарын сумын наадамд түрүүлсэн морь өдгөө 20-30 сая төгрөгөөс буухгүй болсонд Ч.Улаан гишүүний гавъяа гэдэг аж.
Ц.Даваасүрэн
Бие даагч гишүүн болсон Ц.Даваасүрэнгийн уясан адуу энэ жил өнгөтэй байна. Ц.Даваасүрэнгийн буурал азарга өчигдөр наймд давхиж эзнээ баярлууллаа. Тэрбээр хэвлэлийнхэнд адуу, морины тухай яриад байдаггүй, харин чимээгүйхэн наадамд морио сойж суудаг нэгэн юм.
Аварга Б.Бат-Эрдэнэ барилдахаа больсон ч наадмын өдрүүдэд сойсон хүлгээ харуулдан суудаг болсон. УИХ-ын хамгийн олон малтай гэгдэх түүнд 20 гаруй хурдан удмын адуу байдаг. Харин МоАХ-ны тэргүүн Х.Баттулгын хувьд энэ жил хэд хэдэн адуу сойгоод байгаа. Түүний алаг морь өмнө нь улсад түрүүлж байсан түүхтэй юм. Энэ мэт улс төрч- уяачид сонгуулиар өөрсдөө уралдаж, сонгуулийн дараа уясан морьдоороо өрсөлдөж байна.
Т.Гэрэл
