Ардын хувьсгалын 91 жилийн ойн баяр наадамд түрүү бөхийн тааварт ороогүй бөх наадмын түрүү бөхөөр тодорлоо. Увс аймгийн Давс сумын харьяат аймгийн арслан П.Бүрэнтөгс, Архангай аймгийн Булган сумын харьяат аймгийн залуу арслан саруул сайжрах заан Д.Рагчааг давж, улсын арслан боллоо. Харин улсын заан Д.Рагчаа найм давж үзүүрлэн улсын гарьд цол авлаа.

   Ардын хувьсгалын 91 жилийн ойн баяр наадамд түрүү бөхийн тааварт ороогүй бөх наадмын түрүү бөхөөр тодорлоо. Увс аймгийн Давс сумын харьяат аймгийн арслан П.Бүрэнтөгс, Архангай аймгийн Булган сумын харьяат аймгийн залуу арслан саруул сайжрах заан Д.Рагчааг давж, улсын арслан боллоо. Харин улсын заан Д.Рагчаа найм давж үзүүрлэн улсын гарьд цол авлаа.
   Аймгийн арслан П.Бүрэнтөгс нь 1988 онд төрсөн, 24 настай. Тэрбээр Батлан хамгаалах их сургуулийн "Алдар" спорт хороо, Олимпийн хороо, Дулааны "4-р цахилгаан станц" компаний бөх юм.
   Есийн даваанд тунаж үлдсэн улсын заан Д.Рагчаа, аймгийн арслан П.Бүрэнтөгс нар барьц авалгүй гучин минут болсон тул монгол бөхийн барилдааны дүрмээр шодож барилдахаар болсон юм. Ийнхүү Ардын хувьсгалын 91 жилийн ойгоор урамтай сайхан барилдсан шинэ улсын арслантай боллоо. Ерөнхийлөгчийн Тамгын газрын дарга П.Цагаан улсын гарьд, улсын арслан цол олгох зарлигийг уншив. Мөн ерөнхийлөгч Ц.Элбэгдорж үзүүр, түрүүнд үлдсэн хоёр бөхийн шинэ цол, тэмдгийг гардуулж өгсөн юм. Түрүү бөхийн байнд ирэх 10 сая төгрөгийн шагналыг маргааш уяачдын наадмын үеэр гардуулна.