Хvн төрөлхтөн  нийгэмшиж эхэлсэн цагаасаа хойш амьдралын төлөө тэмцэж, элдвийн зvйлсийг шинээр санаачилсаар, чөлөөт цагаа хөгжилтэй, дурсгалтай өнгөрүүлэх үүднээс төрөл бүрийн баярыг санаачилж, тэмдэглэлт үйл явдлуудыг зохиосоор иржээ.Тэдгээрийн дотроос хүний санаанд оромгүй, бараг л байж боломжгүй гэмээр хачирхалтай боловч, тухай бүрнээ өөр  өөрийн  гэсэн утга учиртай, ач холбогдолтой баяруудыг түүвэрлэн  уншигч танд хүргэж байна.

1.    Гартаа нялх хүүхэд авсан хоёр сумочин шүүгчийн өмнө зогсоод өөрийн барьж буй хүүхдийг аль болох түргэн уйлуулахаар оролддог гэнэ.  Хүүхэд нь түрүүлж уйлсан бөхийг ялагчаар зарладаг ажээ. Хүүхдийг аль алин нь уйлуулж чадаагүй бол шүүгч өөрөө аймшгийн баг өмсөөд тэднийг уйлуулахаар оролддог. Уйланхай хүүхдийн наадам Японд 400-гаад жилийн түүхтэй бөгөөд хүүхэд уйлаад ирэхээр түүнийг аль болохоор дээш өргөнө. Хүүдийн уйлах дуу нь ад шулмыг айлгах учиртай гэнэ.

2.    Канамара Мацури буюу Эр бэлэг эрхтнийг дээдлэх фестивал нь Шинто шашны нөхөн  үржихүйн зан үйлийн ёслол бөгөөд  Японы Кавасаки мужид жил болгон болдог уламжлалтай.  Ёслолын гол бэлэгдэл нь эр бэлэг эрхтэн бөгөөд түүнийг хаа сайгvй дэлгэрүүлэн сурталчлах юм.  Мөн сийлбэр хийх, зураг зураг, чихэр урлах гэх мэт маш олон хэлбэрээр түүнийг олон нийтэд харуулдаг.  Фестивалын гол хэсэгт бэлэг эрхтнийг дээдлэх vндсэн бунхан байх ба энэхүү бунханд  дээр үеийн биеэ vнэлэгчид бэлгийн замын халдварт өвчин тусахгvйн тулд залбирдаг байсан уламжлалтай.

3.    Эртний Испанийн Галициад болдог Рапа Дас Пестас гэх энэхүү фестивал нь тухайн үеийн зэрлэг догшин морьдыг номхруулах зан үйл байсан бөгөөд бүр хүрэл зэвсгийн үеэс гаралтай ажээ. Эрчүүд зэрлэг догшин морьдтой хоосон гараараа тулах бөгөөд зорилго нь тэдний дэл болон сүүлнээс тайрч авах. Мэдээж энэ нь маш хэцүү эр зоригын тулаан бөгөөд адгуусны эсрэг ямар нэгэн олс, багаж хэрэгсэлгvйгээр тэмцэнэ. Уг фестивал нь ямар нэгэн тамлан зовоох эсвэл амьтныг үхэлд хүргэх зан зvйл байхгvй бөгөөд фестивал нь нийт гурван өдөр үргэлжилдэг гэнэ.

4.    Иврий Карнивал нь Итали-д болдог хамгийн сонирхолтой фестивалуудын нэг. Энэхүү сонирхолтой  фестивал нь Биандратийн Конт Ранеригийн эсрэг ард түмний тэмцлээс үүдэлтэй бөгөөд эрх чөлөө шударга ёсыг хүсэн түүний илэрхийлэл болгож жүржийг шидснээс  үүсэлтэй. Фестивалд  гурван өдрийн турш бэлтгэдэг ба албан ёсны зохион байгуулалттай хийгддэг. Талбай дээр 3000 орчим хүмүүс  есөн багт хуваагдан тоголдог  гэнэ.

5.    Жил бvрийн намар Монтанад 15000 гаруй төмсөг шvтэн бишрэгчдийн цугларсан төмсөгний фестивал болдог байна. Vхэрийн төмсөг буюу өөрөөр Чулуулаг Уулны оистер гэж нэрлэгдэх зүйлийг тэд эхлээд талхны үртсээр бvрээд пивонд  дүрж дараа нь тосонд шардаг. Уг  фестивалд  заавал 21-с дээш насныхан оролцох  ёстой юм байна.

6.    АНУ-ын Аляска мужийн жижиг тосгон энэхүү сонин фестивалыг жил бүр хийдэг. Америк хандгайн хоргол буюу өндгөр хэлбэрт энэхүү жижигхэн хатуу биетэй зүйлийг тvvн авч агаарын бөмбөлөгт дүүргэн хийгээд өндрөөс  унагадаг аж. Хэний түүсэн хоргол байнд илүү ойрхон унана тэр хүн 1,000 ам.долларын ялагч болдог ажээ.

7.    Шавраар наадах фестивал жил бүрийн зун Өмнөд Солонгосын Бориёонгд болдог байна. Анхны шавраар наадах фестивал нь 1998 он мөн 2006 онд болсон бөгөөд  энэхvv баяр нь Бориёонгд 1,5 сая хүмүүсийг цуглуулсан сонирхолтой фестивал болж чаджээ.

8.    Нигерийн барун хойд хэсэгт байрлах Кебби мужын Аргунгу хэмээх тосгоны голд жил бvр зохиогддог маш сонирхолтой Аргунгу Олон улсын загас барих фестивал болдогоороо энэ тосгон маш алдартай.  Фестивалын үеэр эрчүүд үзэгч  эмэгтэйчүүддээ хамгийн шилдэг эр хүн, шилдэг загасчлагч болохоо харуулахын тулд голруу орон нүцгэн гараараа хамгийн том загас барихаар тэмцэлддэг юм.