Ураг барилдана гэдэг аливаа улс үндэстний зан заншлыг илтгэсэн, билэгдлийн ач холбогдолтой чухал үйл ажиллагаа юм. Зарим нэг улс орны уламжлал бидэнд хачирхалтай санагдаж болох хуримууд  болдог  аж. Тэдний  заримаас  уншигч танд дээжлэн  хүргэж байна.
    Ураг барилдана гэдэг аливаа улс үндэстний зан заншлыг илтгэсэн, билэгдлийн ач холбогдолтой чухал үйл ажиллагаа юм. Зарим нэг улс орны уламжлал бидэнд хачирхалтай санагдаж болох хуримууд  болдог  аж. Тэдний  заримаас  уншигч танд дээжлэн  хүргэж байна.
    Хурим бол хүний  амьдралд тохиох хамгийн сайхан  дурсамжтай зүйлсийн нэг яахын аргагүй мөн билээ. Ах дүү, амраг садан, найз нөхдөөрөө хүрээлүүлэн, тансаг идээ будаа дунд сайхан хувцасласан жаргалтай хосууд амьдралынхаа хамгийн мартагдашгүй өдрийг өнгөрүүлдэг. Гэхдээ хүн бүрийн хурим өөр өөрийн онцлогтой болдог.
1.    Дэлхийн  тэргүүн  баячуудын нэг ган үйлдвэрлэлийн  хамгийн  том  корпорацийн эзэн  Акшми  Миттал  ганц охиныхоо хуримд 55 сая ам.доллар зарцуулсан нь  одоогоор дээд амжилтад тооцогдож буй.  Хурим Францийн  Версалагийн  ордонд  болсон ба тус ордонд  зохион  байгуулагдсан цорын  ганц хувийн  үйл  ажиллагаа байжээ.  Хосуудын  хурим  зургаа  хоног   тус шилтгээнд үргэлжилсэн аж.
2.    Хятадын Жилинь мужийн иргэн Жао Пень сүйт бүсгүйдээ 2162 метр хуримын даашинз бэлэглэсэн нь  хамгийн урт хуримын даашинз байсан хэмээн тэмдэглэгджээ. Хоёр км гаруй үргэлжилсэн даашинзны  чимэглэлд 9999 улаан  сарнай орсон  байна.
3.    Хуримын  хамгийн  том бялууг  АНУ-ын Коннектикут  мужийн  Мохеган са зочид буудлын  тогооч нар бүтээсэн байна.  Уг  бялууг хийхийн  тулд 60 гаруй  тогоочийн  хөдөлмөр  шингэсэн  аж. Бялуу 6,8 тонн жинтэй 5,1 метр  өндөр буюу ердийн  бялуунаас 600 дахин  том гэнэ.
4.    Мексикийн  иргэн  Октавио Гуиллен,  Адриана Мартинез нар  сүй тавьснаасаа хойш 67 жилийн дараа гэрлэжээ. Тэд 1902 онд гэрлэхээр сүй тавьж байсан ч хойшилсоор хойшилсоор 1989 онд 85 настайдаа гэрлэлтээ батлуулан  албан ёсоор эхнэр  нөхөр  болцгоосон  аж.
5.    2003 онд Канадад  болсон нэгэн хуриманд  хамгийн олон хуримын гэрч цугларчээ. Сүйт бүсгүйн талаас 1-79 насны 79 гэрч ирсэн  бол, сүйт залуугийн талаас 2-63 насны 63 гэрч ирсэн байна.
6.    АНУ-ийн Индиана мужийн  иргэн 68 настай Линда Вольф 16 настайдаа анх  гэрлэсэн ба 23 экс нөхөртэй.  Түүний хамгийн  олон  жил  хамт байсан  нөхөр нь түүнтэй  долоон жил  амьдарсан  гэнэ. Тэрбээр өөрийн долоон хүүхэдтэй харин  дагавар буюу 20 гаруй хүүхдийн хойт эх юм байна.
7.    Японд  болсон энэхүү хурим  нь рок хосуудын хурим байжээ. Тэд үхсэн ч хамт байхыг бэлэгдэн  өөрсдийгөө үхдлүүд шиг будаж хуримласан аж.
8.    Энэтхэгт нэгэн залуу хинди заншлаар хуримаа хийжээ. Түүний сүйт бүсгүй нь хүн биш амьтан. Тэрээр хоёр нохой тамлаж хороосныхоо хариуд эм нохойг эхнэрээ болгон сонгож авч байгаа гэнэ. Өдгөө 33 настай Селвакумар Сари жингэртэй гэрлэсэн нь Энэтхэгийн өмнөд муж болох Тамил Надугийнхны нүдийг орой дээр нь гаргасан гэнэ.
9.    Энэтхэгчүүд хур бороо гуйхдаа нэгэн маш өвөрмөц хуримын ёслол үйлддэг байна. Хамгийн хачирхалтай энэхүү хуримын хүргэн бэрүүд хурим хийхийг хүссэн хүсээгүй хуримыг хийдэг бөгөөд хурим хийж байгаа хосууд нь ердийн мэлхийнүүд байдаг аж. Ёслол төгөлдөр энэхүү өнгөлөг хуримын хүргэн бэрүүд бие биенээ үнсэх юм бол бороо гуйх ёслол зуун хувь амжилттай боллоо гэж үздэг байна.
10.    Малайзын Борнео  дүүргийн  Тидонг омгийнхны хувьд хурим  огт өөр зүйл.  Хуримын эхний өдөр  Тидонгчуудын хувьд тамын ёроолд очоод эргэж ирэхтэй адил аж.  Учир нь дөнгөж хуримлаж буй залуу хосууд 72 цагийн турш бие засах эрхгүй болдог гэнэ.  Хэрэв хосууд энэ шалгуурыг давж чадвал  эрүүл саруул олон хүүхэдтэй болж, урт удаан жаргалтай амьдарна гэж Тидонгчууд итгэдэг байна.