Монгол Улсын 2012 оны УИХ-ын сонгуулийн талаар дэлхийд алдартай “Forbes” сэтгүүлд бичжээ. Тус сэтгүүлийн тоймч Дуглас Шоён “Монгол Улсын энэ удаагийн парламентийн сонгууль Шударгас ёсны төлөө зогсч буй МАХН-ын дарга, Ерөнхийлөгч асан Н.Энхбаярын оролцоогүйгээр явагдаж өнгөрлөө. Одоогийн Ерөнхийлөгч Ц.Элбэгдорж АН-аас нэр дэвшиж сонгогдож байсан хэдий ч ардчиллыг өмчилж, өөрийн ашиг сонирхлын төлөө олон нийтэд хандсан мэдээлэл хийн, өмнөх ерөнхийлөгч Н.Энхбаярын намаа удирдан сонгуульд оролцох эрхийг хаасан юм. Одоогийн Ерөнхийлөгч Ц.Элбэгдорж энэ удаагийн сонгуулийн ач холбогдлын талаар “Өнөөдөр Монголчууд бид МУ-ын хөгжил болон ардчилал руу чиглэсэн түүхэн сонголт хийх чухал цаг үетэй тулгараад байна” гэж тодотгон хэлсэн билээ. Түүний үг “өөрөө болон түүний дотны найзууд Монголын хөгжил, ардчиллын зам дээр зогсч буй зарчмын хүч” гэдгийг тодотгож хэлсэнтэй утга нэгэн юм. Гэвч тус улсын хуулийн байгууллагууд хүний эрхийг зөрчсөн шийдвэрүүдийг удаа дараа гаргаж, улс төрийн хүчтэй өрсөлдөгч ноён Н.Энхбаярыг сонгуульд оролцуулахгүй байж чадлаа.
Түүнийг сонгуульд нэр дэвших эрхийг нь хаан боогдуулж, хууль зөрчсөн эсэхийг нь шалгах нэрийдлээр баривчлан шоронд хорьсон. Шоронд хоригдож шийтгэгдсэн тэрээр МУ-ын төрийн хамгаалалтад байдаг бөгөөд шоронд бие хамгаалагчийн хамт хоригдсон юм. Түүний бие хамгаалагч шоронд гар утастайгаа орсон байсан нь шоронгийн журам зөрчсөн хэрэг болж, улмаар энэ асуудлаас үүдэн Н.Энхбаярыг сонгуульд нэр дэвших эрхийг нь хассан.
Энэ мэт хүний эрхийг бүдүүлгээр зөрчиж буй МУ-ын СЕХ болон Ерөнхийлөгч Ц.Элбэгдорж нар Н.Энхбаярыг сонгуульд оролцуулахгүй байх ижил сонирхолтой байгаа нь тодорхой харагдаж байна. Тэд энэ үйлдлээрээ амжилт олсон боловч, ирээдүйдээ ардчиллын эзэмшигч байх хүсэлдээ идэгдэж, ардчилсан МУ-ын нэр хүндийг дэлхий нийтэд унагалаа” гэжээ.
