НАСА-гийн сансрын лабораторийн телескопууд наран дээр хүчтэй дэлбэрэлт болсныг мэдээлжээ. Тэдгээрийг хүчтэй дэлбэрэлтийн дээд зэргийн “Х” ангилалд оруулж тооцдог аж.
НАСА мэдээлэхдээ “Нарны хүчтэй идэвхжлийн улмаас дэлхийд хүчтэй шороон шуурга болно. Энэ нь дэлхийн цахим төхөөрөмжүүд болон тойрог замд ямар нэгэн заналхийлэл учруулахгүй” гэжээ.
Өчигдөр наран дээрх дэлбэрэлтийн улмаас Польшид “Торнадо” хар салхи болсон байна. Куявско-Поморское, Великая мужид нэг хүн амиа алдаж, 10 хүн бэртсэн гэж орон нутгийн хэвлэлүүд уламжлав. Хүчтэй шуурга болсноос  100 гаруй байшин нуржээ.
“Торнадо” Польшийн төвийн нутгийн байгалийн цогцолбор газар, жуулчдын төвийг дайран өнгөрсөн аж. Вичинский хотод 60 настай иргэн байшиндаа дарагдаж нас барсан байна. Хүчтэй салхи орон нутгийн цахилгаан станцуудын үйл ажиллагааг тасалдуулж магадгүй байсан аж.
АНУ-ын Сансар судлалын төвийн уламжилснаар Польшоос гадна баруун Африкийн цөлийн улсуудад хүчтэй шороон шуурга болсон байна. Энэ нь энгийн үеийнхээс 1.2 дахин нэмэгджээ.