Энэ жил Гиннессийн дээд амжилтын ном 60 нас хүрч байна. 1955 онд анх хэвлэгдсэн цагаасаа хойш уг ном дэлхийн 100 гаруй оронд 132 сая хувиар борлогдож, хэвлэлийн жинхэнэ сенсаци болсон юм. Өнгөрсөн есдүгээр сарын 10-нд хэвлэгдсэн 2016 оны Гиннессийн дээд амжилтын номын зарим амжилтаас танилцуулъя.
Берти бол секундэд 28 сантиметр хурдалсан дэлхийн хамгийн хурдан яст мэлхий гэнэ.
Японы Такахиро Икеда гэдэг залуу BMX унадаг дугуйн дээр нэг минутад өөрийнхөө тэнхлэгийг тойрон 83 удаа эргэж, улмаар “цаг хугацааны машин” үзүүлбэрийнхээ тоогоор дээд амжилт тогтоожээ.
Хятадын тамирчин Сунь Минмин, Сюй Янь нар хамгийн өндөр эхнэр, нөхөр болж байна. Тэдний өндрийн нийлбэр нь 432,47 сантиметр гэнэ. Минмин бол сагсан бөмбөгчин, харин Янь гандболын тамирчин юм.
Пурин гэгч 9 настай бигль нохой савраараа барьсан бөмбөгний тоогоор дээд амжилт тогтоосон байна. Тодруулбал тэр нэг минутад 14 бөмбөг барьжээ.
44 настай америк эр Маркус Дэйли хот-дог ачсан хамгийн том тэрэг бүтээжээ. Тэрэгний өндөр нь 3,72 метр, урт нь 7,06 метр, өргөн нь 2,81 метр бөгөөд өдөрт 300 хүртэл хүнд үйлчилж чадна. Тэргэнд бие засах газар ч бий гэнэ.
Чихнийхээ омогт гаргасан хамгийн том нүхний диаметр нь 10,5 см гэнэ. Америкийн Гавайн арлын оршин суугч Калавело Кайви энэ амжилтыг тогтоожээ.
Венесуэлийн 20 наста Жейсон Орландо Родригез Хернандлез дэлхийд хамгийн том тавхайтай нэгэн. Түүний баруун хөлний тавхай нь 40,1 сантиметр, зүүнийх нь 39,6 сантиметр гэнэ.
Германы Андре Орлтофцанын гутал өмсөн 100 метрт бусдаас хурдан (17,65 секунд),
… модон гуталтайгаар 16,27 секунд гүйжээ
1
Вандуйг бусдаас хол буюу 7,51 метр нулимжээ.
Английн 2 настай Франческа гэдэг молтогчин туулай үснийхээ уртаар дээд амжилт тогтоосон байна. Түүний үсний урт нь 36,5 сантиметр гэнэ.
Энэтхэгийн Ачарья Макунури Шриниваса хамгийн том тосон балын үсэг хийжээ. Үзэгний урт нь 5,5 метр, хүнд нь 37 килограмм гэнэ.
Украин бүсгүй Ольга Лящук 14,65 секундэд гурван тарвасыг гуяараа бяц хавчжээ.
Энэтхэгийн 27 настай Важпай Кумар хамгийн олон буюу 37 шүдтэй аж.
Канадын Доминик Лакассе далбааны байрлалд хамгийн удаан байжээ.
Такеру Кобаяси 3 минутад 6 хот-дог,
17 гамбургер иджээ.
Германы Оливер Штрюмпфель гэгч эр 25 аяга шар айргийг 40 метр зайд авч явж чадсан байна.
Германы Юэль Мигглер нүүрээ хамгийн олон буюу 11 цоолжээ.
