МАН-ын гишүүд чуулганы танхимд орж ирээгүй тул хурлыг даргалж байсан Д.Дэмбэрэл гишүүн чуулганыг завсарлуулсан. Үүнийг АН-ын гишүүд эсэргүүцэж дараагийн ахмад настай хүнээр чуулганыг удирдуулах тухай яриа гараад байгаа.

УИХ-ын гишүүн С.Эрдэнэ: МАН-д чуулганыг зогсоо, гацаах эрх байхгүй
  - Аль нэг нам хурлыг хуралдуулахгүй байна гэсэн хуулийн зохицуулалт байхгүй. Одоо аль нэг нам, бүлэг албан ёсоор байгуулагдаагүй байна. Анх дугаар чуулган 69 гишүүнтэй бүрэн эрхээ хэрэгжүүлж эхэлсэн. Одоо бол хурлаа хийгээд явах бүрэн боломж байна.

Ч.Улаан: МАН-ынханд чуулганд орж ирэхгүй гэх үндэслэл байхгүй
- Чуулганыг ингэж гацааж болохгүй. Хуульд ийм зохицуулат байхгүй, шаардлага ч байхгүй. Албан ёсны олонхи байхгүй бол олонхи болсон нам эвсэл бусадтайгаа зөвшилцөнө гэж заасан байдаг. "Шударга ёс" эвслийн хувьд АН, ИЗНН-тай зөвшилцөөд шийдсэн. Анхдугаар чуулганаар 69 гишүүнтэ эхэлсэн болохоор энэ чуулган бүрэн эрхийн чадамжтэй. МАН-ын хувьд саналаа авсан, судалсан. Одоо байр сууриа илэрхийлэх нь тэдний асуудал. МАН-ынханд чуулганд орж ирэхгүй гэх үндэслэл байхгүй. Зөвшилцөл явагдаж байгаа учраас үдээс хойш хуралдах боломжтой гэв.