Зуны олимпийн ХХХ дахь удаагийн наадам өнөөдөр сүр жавхлантайгаар хөшгөө нээсэн билээ. Олимп зохион байгуулагчдын зүгээс нийтийн тээвэр болоод үйлчилгээ, харуул хамгаалалтын асуудлыг маш сайн шийдэж өгсөн. Мөн тэд ард иргэд, үндэсний аюулгүй байдлаа сахин хамгаалах үүднээс Их Британий таксинуудад 2009 оноос дуу хураагуур, камер зэргийг суурьлуулж эхэлжээ. Эдгээр аппаратууд нь таксигаар үйлчлүүлэх бүх хүмүүсийн харилцан яриа, дүрс зэргийг бичиж авахаас гадна, тухайн хотуудад бүгд архивлагдан үлддэг байна.
   Харин энэ үйлдэл нь ард иргэдийн эрх ашигт халдаж байгаа үйлдэл болно гэж Мэдээллийн албаны төлөөлөгч Кристофер Грахам мэдэгдлээ. Гэвч хот бүр харилцан адилгүйгээр дүрс бичлэгийг хурааж авдаг. Жишээлбэл Лондонд дуу хураагуургүй дан камер байрлуулсан бол, зарим хотод эхний хэдэн минут бичлэг хийгээд зогсч, таксины жолоочийн командаар үргэлжлүүлэн бичдэг байна. Цагдаа нарын зүгээс бид бичлэгийг байнга хянаад байдаггүй, зөвхөн ямар нэг санал, гомдол ирсэн, эсхүл гэмт хэрэгт холбоотой үед л шалгадаг гэсэн юм. Харин Кристофер "Ард иргэдийнхээ аюулгүй байдалд цагдаа нарын зүгээс санаа тавьж байгааг ойлгож байна. Гэхдээ энэ үйл ажиллагаа хоёр талтай. Ард иргэдийнхээ алхам бүрийг хянана гэдэг зарим талаараа тэдний эрхийг зөрчиж байгаа хэрэг. Тиймээс өөрчлөх хэрэгтэй" гэсэн санал дэвшүүлжээ.