МАХН-ын дарга Н.Энхбаярт улсын яллагч 8.6 жилийн чанга дэглэмтэй хорих ангид ялыг биечлэн эдлүүлэхээ шүүх бүрэлдэхүүнд танилцуулсан. Харин үүнийг Н.Энхбаярын өмгөөлөгч Б.Сайнгэрэл эсэргүүцэж, зарим зүйлийг дахин тодруулах хэрэгтэй. Тиймээс мөрдөн байцаалт буцаах шаардлагатай гэдгээ тайлбарласан билээ. Харин С.Нарангэрэл өмгөөлөгч “Н.Энхбаярын хэргийг цагаатгах, хэрэгсэхгүй болгох хэрэгтэй. Түүний гэм буруутай нь нотлогдохгүй байна. Улсын яллагч Ё.Сагсай анхнаасаа Н.Энхбаярыг гэм буруутай хэмээн зарлаж, түүнийг яллахаар улайрч байсан. Шүүх хурал эхлэх үед би Ё.Сагсайгаас татгалзах хүсэлтээ илэрхийлсэн. Гэтэл шүүх бүрэлдэхүүн хүлээж аваагүй. Ер нь Н.Энхбаяр гэдэг хүнийг найман жил тусгаарлах биш. Харин ч энгэрийг нь цоолох хэрэгтэй. Мянганы зам, их өрийг тэглэсэн гээд түүний Монгол Улсад байгуулсан гавьяа их” гэлээ. Одоо шүүхийн танхимд шүүгдэгч Д.Дуламсүрэнгийн өмгөөлөгч Г.Оюунцэцэг үйлчлүүлэгчээ өмгөөлөн тайлбар хийж байна. Б.Чимэг
