Улаанбаатар хотын 30 дахь захирагч Г.Мөнхбаяр. Олны танил хэрнээ
танил бус нэгэн. Учир нь тэр байнга "ажил" гэсэн баг зүүж явдаг. Түүнийг
телевиз, хэвлэлээр албаны хувцастай, ажил ярихыг нь ихэвчлэн сонссоор
нэг тийм уйтгартай хүн гэх төсөөлөл буух нь бий. Харин Г.Мөнхбаяр чухам
ямар замаар туучиж, ямар голоор сэлж сая гаруй хүн амтай UB хотын дарга
болсныг 24tsag.mn-ий "Фэйслүүк" булангийн фото цомгоос сонирхоцгооё.
Улаанбаатар хотын 30 дахь захирагч Г.Мөнхбаяр. Олны танил хэрнээ танил
бус нэгэн. Учир нь тэр байнга "ажил" гэсэн баг зүүж явдаг. Түүнийг
телевиз, хэвлэлээр албаны хувцастай, ажил ярихыг нь ихэвчлэн сонссоор
нэг тийм уйтгартай хүн гэх төсөөлөл буух нь бий. Харин Г.Мөнхбаяр чухам
ямар замаар туучиж, ямар голоор сэлж сая гаруй хүн амтай UB хотын дарга
болсныг 24tsag.mn-ий "Фэйслүүк" булангийн фото цомгоос сонирхоцгооё.
Хархүү: Хотын
дарга ийм нэг дуу цөөтэй хархүү байжээ. Тэрбээр 1964 онд Улаанбаатар
хотод төрсөн ч гэрийнхэн нь уугуул нутаг Ховд руугаа удалгүй нүүж,
тэндээсээ төрсний гэрчилгээ авч байжээ. Г.Мөнхбаяр гурван хүү, гурван
охинтой айлын хоёр дахь хүүхэд, том хүү нь. Ийм голоороо хагалж самнасан
үстэй зураг түүний үеийнхэнд заавал байдаг билээ.
Ээж, аав: Түүний
аав Д.Гомбосүрэн бол Ховд аймгийн театрт насаараа ажилласан найруулагч
хүн. Ээж Б.Галиндэв нь харин эмнэлгийн лаборантаас эмч хүртэл ажиллаж
байсан. Тэд ийм сайхан мэргэжилтэй ч аль нь ч хүүгээ өөрсдийн мэргэжилд
урвуулж чадаагүй аж. Г.Мөнхбаяр "юм, юмтай" идэвхитэй хүүхэд байсан ч
тэр дундаас тоо бодлогыг сонгосон. Тэрбээр 1983 онд арван жилээ төгсөөд
Эрхүү хотод нэг жил хэлний бэлтэлд суугаад Свердловск хотын Уралын
Политехникийн их сургуулийг төгсчээ.
Гэргий: Г.Мөнхбаярын
сургууль төгсөж ирсэн үе нь 1990 оны ороо бусгай үетэй таардаг. Тэрбээр
бусад шиг ганзагын наймаа хөөсөнгүй, харин Улаанбаатарт танилынхаа
хажуу өрөөнд шинэ ажилд орохоор төвхнөжээ. 1990 онд НААҮЯ-нд туршилт
тохируулгын ангид техникч, 1990-1991 онд Найрамдал дүүргийн орон сууц
нийтийн аж ахуйн 6 дугаар конторт жирэмсэн эмэгтэйн оронд техникч,
инженерээр ажиллав. Цалин 550 төгрөг. Эндээс мэргэжил нэгтэй бүсгүй
Х.Мөнх-Өнөртэй танилцаж, удалгүй гэр бүл болсон аж.
Ганц хүү: Залуу аав Г.Мөнхбаяр ганц хүүдээ Тэмүүлэн гэдэг нэр өгчээ.
Америкт: Есөн жилийн дараа. Эхнэр нь Колорадогийн их сургуульд төрийн удирдлагын чиглэлээр магистр, хүү нь дунд сургуульд суралцаж байсан үе.
Эр өссөөр: Хүү Тэмүүлэн нь мөн л аав нь өвөөгийнх нь мэргэжлийг өвлөөгүй шиг аавынхаа мэргэжлийг дагаагүй. Тэрбээр мэдээллийн технологи, веб дизайны чиглэлээр ажилладаг.
Нэг газарт.
Г.Мөнхбаяр эхнэр авсан газраасаа холдсонгүй. Тэрбээр орон сууцны
конторт инженерээр ажиллаж байгаад жилийн дараа Орон сууцны удирдах
газарт дэвшив. Гурван жилийн дараа ерөнхий инженер болж мөн л гурван
жилийн дараа Газрын дарга гэж дуудуулах болжээ. Харин 2004 оноос
Улаанбаатар хотын ерөнхий менежер, 2008 оноос Улаанбаатар хотын
захирагч, нийслэлийн засаг дарга болсон. Ийнхүү нэг л газартаа өдөлжээ.
Халаа: УИХ-ын гишүүн, сайд Х.Бадамжунайгаас хотын ерөнхий менежерийн ажлын халааг авав.
Халаа: УИХ-ын гишүүн, сайд Х.Бадамжунайгаас хотын ерөнхий менежерийн ажлын халааг авав.
Ажиллах зуур: Чехийн нийслэлийг сонирхов.
Хангугт: Солонгост байдаг Бурхан багшийн хөшөөг инженер хүний нүдээр "Яаж барьж вэ? хэмээн сонирхож явжээ.
Фанат: Тэрбээр теннисний гуравдугаар зэрэгтэй, бас бус медальтай. Мөн хөлбөмбөгийн улаан хорхойтнуудын нэг. 2004 онд Сөүлд болсон Дэлхийн хөлбөмбөгийн ДАШТ-ний үеэр.
“Эф-Си Улаанбаатар”: Г.Мөнхбаярын санаачлагаар өсвөр үеийн хөлбөмбөгчдийн “Эф-Си Улаанбаатар” баг байгуулагдав.
Бэлтгэл хурандаа: Номын мөр хөөж цэрэгт яваагүй Г.Мөнхбаяр 2011 онд хотын удирдлагуудыг хамарсан хоёр өдрийн Цэрэг страгегийн бэлтгэл, сургалтад оролцож бэлтгэл хурандаа цолтой болов.
Стиль. Тэрбээр голдуу саарал, хөх гэх мэт завсрын өнгийн хослол өмсдөг. Бас хааяа "Burbery"-гийн зангиа зүүсэн харагддаг.
Олон төрх. Найман жилийн өмнөх хар үстэй Г.Мөнхбаяр. Аль төрх нь таалагдаж байна?
Ээлж:
Хааны алба халаатай, эзний алба ээлжтэй гэдэг. Г.Мөнхбаярыг 2012 оны
УИХ-ын сонгуульлд өрсөлдөх байх гэж олон хүн тааж байсан тэрбээр
"эхлүүлсэн ажлаа дуусгана" гэж НИТХ-ын сонгуульд өрсөлдсөн. Тэрбээр
хэдхэн өдрийн өмнө урд нь алхаж буй Э.Бат-Үүлд хотын даргын ажлаа өгсөн
билээ.
Явж буй цаг, ирж буй мөч: Тэр 48-тай. Түүнд улс төрийн орон зай ч бий, ажил хийх туршлага ч бий. UB-д баяртай гэж хэлэх болоогүй...
Б.Баяр /24tsag.mn/
Сэтгэгдэл (38)