УИХ-ын гишүүн Ч.Ундрам, Ц.Мөнхцэцэг нарын санаачилсан "Үндэсний боловсролын тогтолцоог сайжруулах нь” хэлэлцүүлэг Төрийн ордонд боллоо. Хэлэлцүүлэгт их, дээд сургуулийн багш эрдэмтэн, иргэний нийгмийн байгууллага болон бусад холбогдох байгууллагууд оролцсон юм.  

Энэ үеэр УИХ-ын гишүүн Ж.Мөнхбат “УИХ-ын ээлжит бус чуулганаар Засгийн газрын дөрвөн жилийн мөрийн хөтөлбөрийн үйл ажиллагаа, 2021-2025 онд Монгол Улсыг хөгжүүлэх үндсэн чиглэлийг хэлэлцсэн. Энэ үеэр суурь боловсролын асуудлаар Их Хурлын гишүүд өөрсдийн байр суурийг илэрхийлж байсан.

Зарим гишүүд Кембрижийн сурагаттай сургуулгийн тоог нэмэгдүүлэх, зарим нь хуучин тогтолцоо лума боловсронгуй болгох саналтай байсан. Бид Кембриж зэрэг гаднын боловсролын хөтөлбөрт тулгуурласан хөтөлбөрт шилжих үү, хуучин тогтолцоогоо сайжруулах уу эсвэл эдгээр тогтолцоог хослуулах уу гэдэг дээр алхам хийх шаардлага гарсан.

Монгол Улс социалист системийн 70 жилийн хугацаанд тэгш хүртээмжтэй суурь боловсролыг сайн бүрдүүлж чадсан гэж дүгнэж байна. Харин шинэчлэлтийн гэж ярьж байгаа тогтолцоогоор цаашид ямар чиглэлээр явах эсэхийг хэн хэнгүй санаа тавих цаг болсон. Дунд сургуулийн 15 настай сурагчийг математик, шинжлэх ухаан, унших чадвараар нь үнэлдэг дэлхийн жишиг бий. Энэ шалгалтад манай улс 2021 оноос хэлэн 15 настай сурагчийг хамруулахаар тусгаад байна.

Төрийн бодлогын аливаа шийдвэр шинжлэх ухааны тоцоцоо судалгаанд үндэслэдэг учиртай. Бид сэтгэлийн хөөрлөөр боловсролын асуудалд хандаж болохгүй. Додоотын эдийн засаг, санхүүгийн бодит боломж бололцоонд тулгуурласан, дэлхийн жишигт нийцсэн боловсролын систем рүү шилжих нь зөв. Үүнтэй холбоотой хэд хэдэн хэлэлцүүлэг хийнэ. Ирэх намрын чуулганаар боловсролын багц хууль хэлэлцэгдэнэ.

Монгол иргэн дэлхийн стандартад нийцсэн боловсрол эзэмшихээс илүү монголд эзэмшсэн боловсролыг дэлхий дахинд хүлээн зөвшөөрүүлдэг байх алхам хийх хэрэгтэй. Тиймээс боловсролын багц хуулийг нээлттэй хэлэлцэх ёстой.

Монголын төр сүүлийн 30 жил нэг зүйлийг алдсан юм байна лээ. Эрдэмтэн мэргэд, судлаачдынхаа үгийг сонсдог энэ асуудал дэлхийн хөгжилтэй орнуудтай харьцуулахад хойно хоцрогдсон. Зөвхөн улстөрчдийн цээжний сампин, шөнө зүүдлээд өглөө сэрэхдээ бодсон мэргэн бодлуудаар олон салбар явж иржээ. Тиймээс хүчирхэг улсуудын жишгээр бид явахаас өөр арга байхгүй. Бодит харсан дээр буусан шийдэл, шийдвэрийг хэрэгжүүлж байх ёстой” гэлээ. 

Б.Лхам