Сангийн сайд Б.Жавхлан цаг үеийн асуудлаар мэдээлэл өглөө. 

Тэрбээр "7, 8 дугаар сар амралтын хугацаа байдаг хэдийн олон хуулийн шаардлагад нийцүүлэхээр төсвөө Өнөөдөр буюу долоодугаар сарын 25-ны ажлын цаг дуусахаас өмнө яамдууд төсвийн саналыг Сангийн яам руу явуулах үүрэгтэй ажиллаж байгаа. Хагас бүтэн сайнгүй ажиллаж даваа гарагт танилцуулна. Засгийн газар цагалбрын дагуу ажиллаж байна.

Төсвөөс хасагдсан зардлыг буцааж тавина гэсэн зүйл байж болохгүй. Төсөв хумигдаж орж ирнэ. Тодотголоор батлагдсан төсвөөс ирэх жилийн төсөв давахгүй. 

2026 оны Төсвийн хувьд төлөвлөх шатанд явж байна. Яамд, УИХ-ын гишүүд, иргэдээсээ ч санал авах үүрэгтэй. Төсөв өргөн барихаас өмнөх 14 хоногийн хугацаанд олон нийтэд танилцуулж, олон нийтээс санал авдаг.

Түүнээс өмнө бол УИХ-ын гишүүд битгий хэл, иргэдээс санал авах хугацаа. Засгийн газар төсвөө төлөвлөхдөө дөрвөн жилийн төлөвлөгөө, тухайн жилийн төлөвлөгөө, мөрийн хөтөлбөр, баримталж буй бодлогод нийцүүлж тусгана. Бүсчилсэн хөгжлийн үзэл баримтлалтай гишүүдээс ирж байгаа санал яв цав нийцэх ёстой.

Санал нь Төсвийн хуультай нийцэх ёстой. Маш олон шаардлагыг хангасан саналыг л хүлээж авна. УИХ-ын гишүүн, сайд болгоноос ирсэн санал төсөвт тусгагдана гэсэн үг биш.

Орон нутгийн хөрөнгөөр шийдэх боломжгүй томоохон төслийг УИХ-ын гишүүд рүү орон нутгаас санал явуулдаг зүйл бий" гэж дурдлаа. 

М.Гал