"Долдугаар сарын 1"-ний үймээний үеэр дөрвөн хүнийг буудаж хөнөөсөн хэргийг Улсын ерөнхий прокурорын дэргэдэх мөрдөн байцаах албаныхан шалгаж дуусаад Нийслэлийн прокурорт шилжүүлсэн. Тус хэрэгт холбогдуулж Цагдаагийн ерөнхий газрын даргын үүрэг гүйцэтгэгч асан, хошууч генерал Ч.Амарболд, Нийслэлийн цагдаагийн газрын даргын үүрэг гүйцэтгэгч О.Зоригт, Эргүүл хамгаалалтын газрын дарга, хурандаа Ш.Батсүх, Нийслэлийн цагдаагийн газрын дарга Хэв журмын хэлтсийн дарга, хурандаа Г.Ганбаатар нарыг шалгаж байгаа. Мөн тухайн үед үүрэг гүйцэтгэж байсан Эргүүл хамгаалалтын газрын их эмч болон цагдаагийн дөрвөн албан хаагчийг яллагдагчаар татсан аж. Цагдаагийн албан тушаалтнуудыг Эрүүгийн хуулийн 263 дугаар зүйл буюу эрх мэдлээ урвуулан ашигласан гэх үндэслэлээр шалгаж байсан ч хагас жилийн өмнөөс зүйлчлэлийг нь өөрчилсөн билээ. Тодруулбал, Эрүүгийн хуулийн 294 дүгээр зүйлийн 294.2-т зааснаар шалгаж байгаа аж.

   Хурандаа нарт холбогдох хэрэгт прокурор хэрхэн хяналт тавьж байгаа талаар Нийслэлийн прокурорын газрын Мөрдөн байцаах ажиллагаанд хяналт тавих албаны дарга Т.Жадамбаагаас тодрууллаа.

-"Долдугаар сарын 1"-нд дөрвөн хүнийг буудаж хөнөөсөн хэрэгт хяналт тавьж дуусч байгаа юу?

-Прокурор хавтаст хэргүүдийг хянаж байгаа.

-Шүүхэд шилжүүлэхэд бэлэн болж байна уу?

-Арай шүүхэд шилжүүлээгүй. Шүүхэд шилжүүлэх эсвэл мөрдөн байцаалтад буцаахаа шийдээгүй байна.

-Хэргийн зүйлчлэл өөрчлөгдсөн үү. Яллагдагчаар нэмж хүмүүсийг татсан гэх мэдээлэл байна?

-Хэвээрээ байгаа. Зүйлчлэл өөрчлөгдсөн зүйлгүй гэв.

   Харин тус хэргийн хохирогчдын нэг Ц.Энхбаяр "Сарын өмнө мөрдөн байцаагчтайгаа уулзахад хэрэгтэй танилцуулах болоогүй гэсэн. Хурандаа нарыг шалгаад, арваад цагдаагийн албан хаагчид холбогдох хэргийг хэрэгсэхгүй болгож байна гэсэн яриа л сонссон. Өөр мэдээлэл алга" гэсэн юм.

"Өдрийн сонин"

   "Долдугаар сарын 1"-ний үймээний үеэр дөрвөн хүнийг буудаж хөнөөсөн хэргийг Улсын ерөнхий прокурорын дэргэдэх мөрдөн байцаах албаныхан шалгаж дуусаад Нийслэлийн прокурорт шилжүүлсэн. Тус хэрэгт холбогдуулж Цагдаагийн ерөнхий газрын даргын үүрэг гүйцэтгэгч асан, хошууч генерал Ч.Амарболд, Нийслэлийн цагдаагийн газрын даргын үүрэг гүйцэтгэгч О.Зоригт, Эргүүл хамгаалалтын газрын дарга, хурандаа Ш.Батсүх, Нийслэлийн цагдаагийн газрын дарга Хэв журмын хэлтсийн дарга, хурандаа Г.Ганбаатар нарыг шалгаж байгаа. Мөн тухайн үед үүрэг гүйцэтгэж байсан Эргүүл хамгаалалтын газрын их эмч болон цагдаагийн дөрвөн албан хаагчийг яллагдагчаар татсан аж. Цагдаагийн албан тушаалтнуудыг Эрүүгийн хуулийн 263 дугаар зүйл буюу эрх мэдлээ урвуулан ашигласан гэх үндэслэлээр шалгаж байсан ч хагас жилийн өмнөөс зүйлчлэлийг нь өөрчилсөн билээ. Тодруулбал, Эрүүгийн хуулийн 294 дүгээр зүйлийн 294.2-т зааснаар шалгаж байгаа аж.

   Хурандаа нарт холбогдох хэрэгт прокурор хэрхэн хяналт тавьж байгаа талаар Нийслэлийн прокурорын газрын Мөрдөн байцаах ажиллагаанд хяналт тавих албаны дарга Т.Жадамбаагаас тодрууллаа.

-"Долдугаар сарын 1"-нд дөрвөн хүнийг буудаж хөнөөсөн хэрэгт хяналт тавьж дуусч байгаа юу?

-Прокурор хавтаст хэргүүдийг хянаж байгаа.

-Шүүхэд шилжүүлэхэд бэлэн болж байна уу?

-Арай шүүхэд шилжүүлээгүй. Шүүхэд шилжүүлэх эсвэл мөрдөн байцаалтад буцаахаа шийдээгүй байна.

-Хэргийн зүйлчлэл өөрчлөгдсөн үү. Яллагдагчаар нэмж хүмүүсийг татсан гэх мэдээлэл байна?

-Хэвээрээ байгаа. Зүйлчлэл өөрчлөгдсөн зүйлгүй гэв.

   Харин тус хэргийн хохирогчдын нэг Ц.Энхбаяр "Сарын өмнө мөрдөн байцаагчтайгаа уулзахад хэрэгтэй танилцуулах болоогүй гэсэн. Хурандаа нарыг шалгаад, арваад цагдаагийн албан хаагчид холбогдох хэргийг хэрэгсэхгүй болгож байна гэсэн яриа л сонссон. Өөр мэдээлэл алга" гэсэн юм.

"Өдрийн сонин"