Сүүлийн жилүүдэд шинийн 8-ны дотор Сүхбаатар аймгийн Дарьганга сумын нутагт орших Шилийн Богд уулыг зорих дотоодын аялагчдын тоо ихэссэн. Аялагчид Шилийн Богд, Алтан-Овоо, Ганга нуур буюу Дарьгангын байгалийн цогцолбор газрыг зорьдог. Харамсалтай нь эдгээр аялагчид уулс овоонд өргөл өргөх нэрийдлээр хог хаягдал их хэмжээгээр үүсгэн байгаль орчныг бохирдуулж буй. Үүнтэй холбоотойгоор Дарьгангын байгалийн цогцолборт газрын хамгаалалтын захиргааныхан Алтан-Овоо, Шилийн богд, Ганга нуур орчмоор хуваагдан ажиллаж, иргэд жуулчдад хяналт тавин, уул овооны хогийг өдөр бүр цэвэрлэж байгаа юм байна.

Шинийн 3-наас хойш өнөөдрийн байдлаар 900 гаруй автомашинтай, 4000 гаруй хүн Дарьгангын байгалийн цогцолбор газарт очсон гэсэн мэдээлэл байгаа юм. Байгалийн цогцолборт газрын хамгаалалтын захиргаанаас тэдгээр иргэдэд 2500 ширхэг гарын авлага тараан өгч овоонд гарахдаа өргөл нэрийдлээр байгаль дэлхийгээ бохирдуулахгүй байхыг уриалж байгаа юм.

С.Сүлд