Замын-Үүд авто замын боомт, ачаа тээврийн талаар мэдээлэл хийлээ. "Ерөнхий сайдын захирамжаар хилийн боомтуудын үйл ажиллагааг сайжруулах, экспорт импортын барааны тээврийг эрчимжүүлэх зорилготой ажлын хэсэг байгуулагдаад ажиллаж байна.

Ажлын хэсгийг шадар сайд С.Амарсайхан ахалж байна. Замын-Үүд боомтын чингэлэг тээвэрлэлтийн үйл ажиллагаа нэгдүгээр сарын 11-с хойш үргэлжлээд явж байна. Өчигдрийн байдлаар 50 машин дээр нийтдээ 63 чингэлэг, үүнээс 20 тонны 31 чингэлэг, 40 тонны 32 чингэлэг орж ирсэн байна. 15 шинэ машин импортоор орж ирсэн байна. Нэгдүгээр сарын 11-ээс хоёрдугаар сарын 24-н хүртэлх мэдээгээр нийтдээ 1798 машин дээр 20 тонны  1081 чингэлэг, 40 тонны 1251 чингэлэг ачаа. Нийт 2332 чингэлэг ачаа барааг оруулж ирсэн байна. Мөн энэ хугацаанд 225 машин импортоор орж ирсэн. Орж ирсэн 2332 чингэлгийг буцаж гаргаж, эргэлтэд оруулах шаардлага гарч байна.

Одоогоор 653 чингэлэг буцаж гарсан. Ачаа илгээж байгаа хүмүүс чингэлгүүдийг худалдаж аваад, барьцааны мөнгө авч байгаа учраас тээврийн мөнгө өндөр болж байна. Мөн ариутгалын төхөөрөмжөөс шалтгаалаад чингэлэг ачааны тээвэрлэлт удааширч байгаа. Тиймээс ариутгалын төхөөрөмж сайжруулахад ажиллаж байна. Чингэлэг тээвэрлэлтийн хэмжээ 60-70 чингэлгээр тогтчихоод байна” гэв.