Увс аймгийн түүхт 100 жилийн ойн баяр наадмын хүчит бөхийн барилдаан үргэлжилж байна. Энэхүү тэгш ойн барилдаанд "Улсын арслан" цолтон бүртгүүлээгүй юм. Үнэн хүчийг үзэж, уран мэхийг уралдуулан манлайлсан бөх "Увс аймгийн 100 жилийн ойн түрүү бөх" хэмээн түүхэнд үлдэхийн сацуу Lexus-600 автомашины эзэн болно. Харин үзүүрлэсэн бөх 3 өрөө байраар шагнуулж, их шөвгийн хоёр бөх 2 өрөө байрны түлхүүр гардах юм. Тэгвэл уулс усны диваажин хэмээгддэг Увс аймгийн тэгш ой есөн удаа тохиоход "улсын цолтой" бөхийн түрүү 6, аймгийн цолтой бөхийн түрүү барилдаанд дараах бөхчүүд түрүүлж байжээ.
- 10 жилийн ой- Аймгийн арслан Б.Цэдэв
- 20 жилийн ой- Улсын начин Ж.Гэлэг
- 30 жилийн ой- Аймгийн арслан Я.Төгсжаргал
- 40 жилийн ой- Аймгийн арслан Ж.Эрдэнээ
- 50 жилийн ой- Аймгийн арслан Ю.Эрдэнээ
- 60 жилийн ой- Аймгийн арслан Д.Ойдов
- 70 жилийн ой- Аймгийн арслан Н.Баярмагнай,
- 80 жилийн ой- Дархан аварга А.Сүхбат,
- 90 жилийн ой- Улсын гарди Ө.Бат-Орших
Өнөөдөр 100 жилийн түрүүгээ Увсын бөх авч чадах уу, үгүй юу гэдгээс гадна Дархан аварга Н.Батсуурь өвөөгийнхөө амжилтыг "давтах" чадах уу гэх асуулт байна.
Ташрамд дурдахад, Увс аймгийн баяр наадамд өөр аймгийн бөх түрүүлсэн дөрвөн л тохиолдол байдаг аж. Тодруулбал, 1936 онд улсын арслан Ш.Ванчинхүү, 1951 онд улсын заан Д.Лувсан, 1983 онд аймгийн арслан Х.Хажымухан, 2001 онд дархан аварга А.Сүхбат түрүүлж байж.
Сэтгэгдэл (13)