МАН дотор намрын улс төр эхэлжээ. Гаднаасаа эвтэй мэт харагддаг эрх баригчид эв эвдэрсэн нь хоёрхон сарын өмнө болж өнгөрсөн МАН-ын Бага хурлаас харагддаг. М.Энхболдыг огцруулж байх үеийнх шиг УИХ дахь МАН-ын бүлэг хоёр хуваагдан кноп тоолцгоож байгаа.

Ерөнхийлөгчийн фракцын эсрэг талд Л.Оюун-Эрдэнэ, Д.Амарбаясгалан, Х.Нямбаатар, Д.Сумъяабазар гэсэн дөрвөл кнопоо нэгтгээд эхэлжээ. Арваннэгдүгээр сард товлогдсон намын Их хурлаас өмнө Ардын намын улс төр хотын намыг зүглэж байна.

Ерөнхийлөгчмйн фракц хотын даргад Я.Содбаатарыг зүтгүүлж, ерөнхий нарийн бичгийн даргад Б.Пүрэвдагвад өгөхөөр зургаа зуржээ. Саяхан болж өнгөрсөн Өндөр гэгээний мэлмий гийсний их ойн даншгаар Өвөрхангайд ийм уулзалтууд Ерөнхий сайд Г.Занданшатар, ерөнхий нарийн бичгийн дарга Я.Содбаатар нар хийсэн байна.

Үүнд эгдүүцсан нийслэлийн намын хороо, нийслэлийн Засаг дарга Х.Нямбаатар наадмыг дуусгалгүй Улаанбаатар руу яаран буцжээ. Намар болох Их хурлын төлөөлөгчдийг багцлах, УИХ дахь өөрсдийн кнопоо бататгах гээд олон ажлаа Ерөнхийлөгчийн фракцийн эсрэг дөрвөл эхлүүлжээ. Наадмын дараах наадмууд ерөнхийдөө улстөрийн уулзалтууд дунд үргэлжилж байна.

Л.Сайнаа