Монголын үндэсний үйлдвэрлэгч "Алтан тариа" ХХК өөрийн үйлдвэрийн цамхаг дээрээ Оросын түрэмгийллийг эсэргүүцэн Украин улсын далбааг өлгөөд байв. Тус компанийн захирал П.Цэнгүүн үйлдвэрийнхээ цамхаг дээрх Украины далбаатай зураг тавиад "Путин түрэмгий зангаа зогсоо. Украины олон зуун гэмгүй иргэн амь үрэгдэх ёсгүй. Оросын олон сая жиоийн иргэн хохирох ёсгүй. Монгол Улс эрх чөлөөт тусгаар тогтносон улс мөн" хэмээн твиттэр хуудас дээрээ жиргэсэн байв. Гэсэн ч төд удалгүй Сонгинохайрхан дүүргийн цагдаа ирж Украины далбаагаа буулга гэсэн шаардлага тавьсан тухай дахин жиргэсэн байлаа. П.Цэнгүүн захирал "Хувийн өмчид халдах гэж байгаа шүүхийн шийдвэрээ авч ирээд далбааг буулга" гэсэн хариуг өгчээ.

Б.Жаргал