"Даяар монгол хөдөлгөөн"-өөс Монголд байгаа цагаач иргэд, үндэсний өв соёлын асуудлаар мэдээлэл хийж байна. Мэдээлэлдээ “Монгол хүн үндэсний өв соёл, дүр төрхөө алдаж эхэллээ. Өөрийн үндэсний өв соёл, дүр төрхөө алдвал тэр үндэстэн мөхдөг. Монголчуудыг эрлийзүүд самраад дууслаа. 1990 оноос хойш эрлийзүүд төр барьсан. Тэр хооронд Монгол улсын эдийн засгийг самарсан бол одоо Монголын уламжлалт соёл руу ороод адууны соёлыг эрлийзжүүлээд, эрлийз адуугаар сүйтгэж байна. Монгол хүнийг адууны соёлгүйгээр ойлгох боломжгүй. Гэтэл 1990 онд морио унаад давхиж буй эр хүний хөрөг зургийг өөрчлөөд, гэдэс дотрыг нь аваад хаячихсан адууны дүрсийг байршуулснаас  эхлээд Монгол улсын хөгжил дэвшил саармагжиж эхэлсэн. Эрлийз адуугаа уяад, морь унаж үзээгүй шахуу хүмүүс Монгол улсын тод магнай уяач, гавьяат уяач болж байна.  Монгол улсын төрийн наадмыг самарч эхэллээ. Монгол улсын тусгаар тогтнолын баталгаа бол мал аж ахуй. Мал аж ахуйгаа авч явдаг малчдын сүр сүлд нь адуу. Морь унаж үзээгүй хүмүүс эрлийз адуу наадамд оролцуулж соёлыг сүйтгэж байна. Захын эрлийз адуу тэжээдэг хүн бүр Монгол азарганы сээлтийг огтолж, доромжилдог боллоо. Наадамд эрлийз адуу уралдуулахыг хориглох хэрэгтэй. Монголын баяр наадмын тухай хууль батлагдах гэж байна. Энэ хуулинд Монгол улсын баяр наадамд эрлийз морь уралдуулахгүй гэх заалтыг оруулж өгөөч хэмээн хүсэж байна” гэв.