Иргэн Г.Хажидмаа “Цалинтай ээж” хөтөлбөр болон одонгийн мөнгийг нэмэх шаардлагыг УИХ, Засгийн газарт хүргүүлжээ. Тэрбээр “Цалинтай ээжийн 50 мянган төгрөг, одонтой ээжийн 100 мянган төгрөг, хөгжлийн бэрхшээлтэй иргэдийн 288 мянган төгрөг, өөрийгөө удирдах чадваргүй иргэдэд олгодог 84 мянган төгрөг эдгээр хүмүүсийн амьдралд хүрэлцэхгүй байна. 

205 орчим мянган цалинтай ээж, 220 гаруй одонтой ээж, 110 мянга гаруй хөгжлийн бэрхшээлтэй иргэн байна. УИХ-ын гишүүдийн яриад байгаа унааны таван цаас болох 500 мянган төгрөгөө энэ хүмүүст өгөөч ээ. Өнөөдөр цалинтай ээж гээд мөнгө өгч байгаа. Тэр ээжийг гараад ажил хийх хэмжээнд хүрэх цалингийн мөнгийг олгооч ээ хэмээн шаардлага хүргүүлж байна.  Нэг үеийг бодвол төр засаг иргэндээ хариу өгдөг болсон байна. Тэтгэвэр, тэтгэмжийг нэмсний дараа нэмсэн гэх хариу илгээсэн. Энэ мөнгийг төрийн санхүүгээс гарга гэж би шаарддаггүй. Төрөөс луйвар хийсэн төрийн түшээдээс улсын мөнгийг татаж, шаардлагатай иргэдэд халамж олгохыг шаардаж байна” гэв.

Д.Батчулуун