Чингэлтэй дүүргийн ИТХ-ын төлөөлөгч С.Баярмагнай "Замын хашлага, хөшөө ба авилгал" сэдвээр мэдээлэл хийлээ. Тэрбээр "Өчигдөр Авто замын хөгжлийн газрын дарга хийсэн мэдэгдэлдээ бродьюр сольдог ажил гэж байхгүй гэсэн. Энэ нь бидний мөнгөөр зүгээр байгаа бродьюрийг төсөвт оруулаад хийдэг асуудал байна гэсэн үг.
Мөн энэ газарт хэн ч хяналт шалгалт хийдэггүй нь харагдаж байгаа юм.
Нэгдүгээрт, өнгөрсөн 2021, 2022 онуудад хийгдсэн авто зам, явган хүний замтай холбоотой тендерүүдийг шалгах хэрэгтэй. Жил бүр зүгээр байгаа эсвэл бага зэрэг эвдэрсэн явган хүний замыг аваад сольдог. Мөн Нийслэлийн авто замын хөгжлийн газрын дарга, дэд дарга, Зам барилгын хяналтын хэлтэс, засвар, ашиглалт хяналтын хэлтсийг шалгах ёстой. Энд аюултай нөхцөл үүссэн гэж хардаж байна. Нийслэлийн худалдан авах ажиллагааны газар ашиг сонирхлын зөрчил байна уу? үгүй юу гэдгийг шалгаж өгөөч гэсэн хүсэлтээ АТГ-д хүргүүллээ.
Хоёрдугаарт, манай улс хөшөөгөөрөө бараг нэгдүгээрт орж байна. Миний хувьд өнгөрсөн арван нэгдүгээр сард Богдзонховын асуудлаар АТГ-д хандсан боловч одоогоор хариу өгөөгүй байна. Тиймээс хөшөөний асуудлаа одоо больцгооё. Жанрайсаг бурхны хөшөөг бариад юу болсон билээ. Гандан тойроод баастай хутгалдаад байж байна. Хөшөө бариад хөгждөг байсан бол аль хэдийн хөгжихөөр боллоо. Тиймээс энэ тархи угаалтаа больцгооё. Энэ хоёр асуудлаар өнөөдөр АТГ-д хүсэлтээ өглөө” гэв.
Т.Мөнхжаргал
