“Монголдоо сайхан амьдаръя, ажлаа хий” тайван жагсаалаас Засгийн газарт хүргүүлсэн шаардлагын хэрэгжилтэд хяналт тавьж байгаа залуусын төлөөлөл хэвлэлийн хурал хийлээ. Тэдний төлөөлөл н.Ууганбаяр мэдээлэл өглөө. Тэрбээр “Талбай дээр зогссон, суулт хийсэн залуучуудын төлөөлөл гэхээс илүү попорсон төрийн хэлбэрсэн гишүүдтэй улсын доройтсон ард түмний төлөөлөл гэж болно. Олон улсын асуудал манай улсад хүндээр тусаж байна. Жагсаалын үеэр 15 багц 270 орчим шаардлага хүргүүлсэн. Шаардлагын 74 хувь нь үнийн өсөлтийг хязгаарлах тухай, 15 хувь нь төслийн, төсвийн өргүй зардлыг хэмнэх тухай, 12 хувь нь авлига, тэгш бус байдлыг халах тухай асуудлууд байсан. Үүнд бид ажлын хэсэг байгуулаад явж байна.

Залуучуудын холбоо ажлаа хийхгүй байна. Ажлаа хийдэг бол бид энд суух шаардлага байхгүй. Тэд төсөвт байгууллага. Бидний урд ороод жагсах ёстой. 

Залуучуудын холбооны байрыг эмнэлэг юм уу, цэцэрлэг болгож өгөөч гэж хүсмээр байна. Ашиггүй ажилтны орон тоо маш их байна. Тэргүүн, дэд дарга нар олон байгаа. Тэднийг УИХ-ын гишүүд хамгаалдаг. Сонгуулиар цүнхийг нь барьдаг нөхөд томилгоогоор очсон байдаг. Төрийн хэмнэлтийн тухай хууль урагшлахгүй байна. Энэ хуулиа баталчхаад хэрэгжүүлж чадахгүй бол монголчууд бид Засгийн газрыг огцруулах биш УИХ-ыг тараах тухай ярих болно. Нийгмийн даатгалын сан тогтолцооны хямралд орсон байна. Өр тавьж байж тэтгэврээ тавьж байгаа гэхэд хилстэхгүй. Нийгмийн даатгалын сангийн мөнгийг хэн нэгэн албан тушаалтан дур зоргоороо арилжааны банк руу шилжүүлдгийг болих хэрэгтэй" гэв. 

Д.Батчулуун