Хөтөлийн цемент шохойн үйлдвэрээс цементийн үнийн өсөлтийн эсрэг аяныг зарлаж байгаа талаар Л.Наранбаатар мэдээлэл өглөө.
Тэрбээр "Хөтөлийн цемент шохой үйлдвэр 39 жилийн настай. Энэ 39 жилийн түүхэнд анх удаа хоногт 3398 тонн цемент үйлдвэрлэж рекорд тогтоосон. Үйлдвэрийн хэмжээ нэмэгдэж байгаа учир нийлүүлэлтээ нэмэгдүүлж байна. Нэг өрхөд долоо хоногт 5 тонн цементийг ууттайгаар нь 15 мянган төгрөгөөр өгнө. Ченжүүд бөөний үнээр авчхаад, хэрэглэгчдийг мөлжөөд эхлэх юм бол бидний үйл ажиллагаа үр дүнгүй болно. Иймээс хязгаарлалт тавьж байгаа. Мөн тээвэр, логистикийн хувьд тодорхой эрсдэл байна. Бид 16 вагон захиалсан. Найм нь ирсэн. Үлдсэн найм нь хаана явж байгааг бид мэдэхгүй байна. Улаанбаатар төмөр зам дээр тээвэр логистикийн дэмжлэг үзүүлэх шаардлагатай байна. Логистикийн зохион байгуулалтаас болоод цемент тасраад эхэлбэл бидний зорилт талаар болно. Бид 3 сая ширхэг шуудай авчихсан. Он дуустал шуудайны нөөц бүрдчихсэн. Мөн Дархан, Эрдэнэт, Сэлэнгийн бүс нутаг дээр явагдана. Энэ аймгуудад 14 мянган төгрөгөөр худалдаалагдана. Гэрээт борлуулагчийн ажиллах журам гэж бий. Үүний дагуу хамтарч ажиллана. Нийт арваад компанитай хамтарна. Нэг төгрөгөөр илүү харвал хамтарч ажиллахаа зогсооно" гэв.
Д.Батчулуун
Сэтгэгдэл (2)