Хятадын экспортолсон хөлдүү гүзээлзгэнэ идсэн сурагчид  гэдэсний халдварт өвчнөөр өвчилснөөс хойш Герман улсад 11,2 мянган хүн өвчилсөн тухай РИА Новости мэдээлэв.
Германий Саксони, Тюринг, Берлин, Бранденбург мужуудад өвчин гарсан бөгөөд өвчтөнүүд бөөлжиж, гүйлгэж байгаа юм. Sodexo фирмийн Хятадаас импортолсон гүзээлзгэнэ идсэн гэж өвдсөн хүмүүс ярьжээ. Гүзээлзгэнийг зах зээлээр худалдахыг хориглосны дараа  өнгөрсөн амралтын өдрөөс өвчтөнүүдийн тоо нэмэгдээгүй аж. Холбооны Шинжлэх ухааны судалгааны  хүрээлэн өвчин үүсгэсэн бүтээгдэхүүнд  шинжилгээ хийж байна.
Өнгөрсөн тавдугаар сард гарсан гэдэсний E. coli нянгийн халдвараар  Германд 50 гаруй хүн амиа алдсан юм.