Сүхбаатар дүүргийн Засаг даргын Тамгын газрын Төрийн захиргааны удирдлагын хэлтсээс нийслэлийн Шилдэг хороо, Хэсгийн ахлагчдын багийн үйл ажиллагаатай танилцах, харилцан туршлага судлах үзүүлэх сургалтыг зохион байгуулав.
Харилцан суралцах арга зүйн сайн туршлага тодорхойлох, нутагшуулах болзолт уралдааны хүрээнд өнөөдөр 1-10 дугаар хорооны зохион байгуулагч болон шинээр томилогдсон албан хаагчид дүүргийн 7 дугаар хороонд ажиллалаа. Тус хороо нь 2015 оноос эхлэн нийслэлийн Шилдэг хороо шалгаруулах болзолт уралдаанд тогтмол амжилттай оролцож ирсэн хамт олон юм.
Харилцан суралцах арга зүйн үзүүлэх сургалтын хүрээнд тус хорооныхон албан хаагчдад ажлын амжилт, сайн туршлагаа танилцуулж, хороонд хөтлөгддөг албан бичиг, архивын өрөө, архивын данс, бүртгэл, хадгалалт, хамгаалалтын талаар мэдээлэл солилцлоо. Мөн энэ үеэр дүүргийн Архив болон Хууль зүйн тасгаас баримт бичгийг зохион бүрдүүлэх, албан хэрэг хөтлөлтийн системийн ашиглалт, байгууллагын архивын үйл ажиллагаа, харилцан сурах арга зүйн үндсэн ойлголт, нэвтрүүлэх аргачлал сэдвээр сургалт хийсэн юм.
