Улаанбаатар хотын захирагч Д.Сумъяабазар цаг үеийн асуудлаар мэдээлэл хийлээ.

Тэрбээр "Хотын амьдралын 60 хувь газар дор байгаа. Энэ болгоныг орчин үеийн шийдэлтэй, хонгилын системтэй хот болгоно гээд зорьж байгаа бол 420 тэрбум доллароор шийдэхгүй. Энэ бол автобусны л парк шинэчлэлт. Бусад эрх үүсвэрийг яаж болгох вэ гэхээр нийслэл эрх зүйн байдлын төсвийн харилцаатай холбоотой. 1.6 сая хүний аюулгүй эрсдэлгүй ая тухтай байх нөхцөлийг бүрдүүлэхийн тулд хот хөдөөгөөрөө онцгой статустай байж дараагийн ажлууд явна. Зээлийн хэлэлцээр хийж чадахгүй. Гаднаас мөнгө босгож чадахгүй. Дээрээс нь төсөв дандаа хараат. Ийм байдлаар хотын амьдралыг яаж шийдэх юм бэ. Шийдэхгүй шүү дээ.

Улаанбаатар хот өөрөө онцгой статустай хот болж гарч ирэхгүй бол бидний 200 мянган модон жорлон, утаа униарын асуудал, түгжрэлийн асуудал шийдэгдэхгүй. Жил бүрийн улсын төсвөөс нийслэлийн төсвөөс тавигддаг төсвөөр шийдэхгүй.

Хоёрдугаарт, Улаанбаатар хотод урсгал зардал нийтийн тээврийн 180 тэрбум, дамжуулаагийн 1162 тэрбум. Ингээд 428 тэрбум төгрөгийг хотод үлдээсэн гэж яриад байгаа. Энэ бол зүгээр л урсгал зардлын мөнгө. Дахиад урсгал дээр 117 тэрбум дутаж байгаа. Тэгэхээр дараа жил бидэнд хөрөнгө оруулалт байхгүй. Ганцхан нийтийн тээвэр дээр л байгаа. Улсын төсвөөр явна гэдэг өөрөө бүтэхгүй. Нийслэл ч дийлэхгүй. Түгжрэлийг асуудлыг өнөөдөр маргааш буурна гэж хэлж чадахгүй. Мэдээж бууна. Гэхдээ дөрөв таван хувиар бууна. Хоёр жил судалсан. Хөрөнгийн хязгаартай байдал хөгжлийн асуудлыг ийм болгож байна. Нийслэлийн төсөв авто замын түгжрэлийг бууруулахад хаанаа ч хүрэхгүй. Нийслэл бие даасан болоход үндсэн хуулийн 57-р заалт буюу Монгол улсын засаг захиргаа, нутаг дэвсгэрийн нэгж, түүний удирдлагад өөрчлөлт оруулах хэрэгтэй. Нийслэл төсвөө ч захиран зарцуулах эрхгүй, төсвийн хуульд захирагдаад хөдөлж чадахгүй байна" гэв.

Д.Батчулуун