Мянга мянган сурган хүмүүжүүлэгч эрдэмтэн багш, эцэг эхчүүд, оюутан, сурагч, бяцхан дүү нарын жаргалын дуу цангинаж, мөнгөн хонхны дуу цуурайтсан 2025-2026 оны хичээлийн шинэ жилийн нээлт эхэлж, Сонгинохайрхан дүүргийн сургууль, цэцэрлэгүүд үүдээ нээлээ.
Сонгинохайрхан дүүргийн ерөнхий боловсролын 151 дүгээр сургууль Кембрижийн олон улсын сургалтын хөтөлбөрийг 2023 оноос хэрэгжүүлж эхэлсэн. Ингэснээр дүүргийн хүүхдүүд дэлхийн боловсролыг орчноосоо үнэ төлбөргүй авах, цаашлаад гадаадын их дээд сургуульд тэтгэлэгтэй суралцах боломж нээгдэж байгаа юм.
Өнөөдөр тус сургуулийн хичээлийн шинэ жилийн нээлтэд УИХ-ын гишүүн Н.Алтаншагай оролцож, багш сурган хүмүүжүүлэгч, сурагчдад сурлага, хөдөлмөрийн өндөр амжилт хүслээ.
