Ардчилсан намын ҮБХ өчигдөр буюу наймдугаар сарын 31-ны өдөр хуралдаж, намын даргаа сонголоо. Намын даргаар УИХ дахь Ардчилсан намын бүлгийн дарга О.Цогтгэрэл Үндэсний бодлогын хорооны гишүүдээс 196 санал авч сонгогдсон юм. Тэрбээр УИХ-д хоёр дараалан сонгогдоод байгаа бөгөөд эдийн засагч мэргэжилтэй.
Тэрбээр Ардчилсан намын даргад өрсөлдөж байх үеэрээ "Систем бүтээж ялалт авч ирэхийн төлөө бодлогоо хэрэгжүүлнэ. Ардчилсан нам 35 жилийн хугацаанд олонх болж ялж байсангүй. Харин олуулаа болж байсан. Иргэн төвтэй, бизнес төвтэй нам байх, улмаар татварыг бууруулж, иргэдэд боломжийг илүү олгож байж л шинэчлэл ирнэ" гэсэн юм.
ТӨГССӨН СУРГУУЛЬ, МЭРГЭЖИЛ
1993 онд Увс аймгийн Тэс сумын 10 жилийн дунд сургууль
1998 онд ТИС-ийн Компьютерын техник менежментийн сургууль, эдийн засагч
2008 онд Удирдлагын академи, магистр
АЖИЛЛАСАН БАЙДАЛ
1998-2011 онд ТЭСО ХХК-ийн захирал
2012-2015 онд Монгол Улсын Ерөнхий сайдын зөвлөх
2015-2017 онд Увс аймгийн Ардчилсан Намын дарга
2015-2020 онд ТЭСО корпорацын ерөнхийлөгч
2020-2024 онд Монгол Улсын Их Хурлын гишүүн
2022 оноос Монгол Улсын Их Хурал дахь Ардчилсан Намын бүлгийн дарга
2024 оноос Монгол Улсын Их Хурлын гишүүнээр ажиллаж байна.
-Хөрөнгө орлогын мэдүүлэг-
- Өөрийн орлого - 87.6 сая төгрөг
- Гэр бүлийн орлого - 87.9 сая төгрөг
- Хөрөнгө борлуулсны орлого - 275.9 сая төгрөг
- Үл хөдлөх хөрөнгө - 3 тэрбум 729 сая 800 мянган төгрөг /Нийтийн орон сууц-2, Үйлчилгээний барилга-1/
- Автомашин - 893 сая төгрөг /Lexus 600-1, Mercedes Benz S400CDI-1, Toyota, Crown-1/
- Үнэт эдлэл - 1 тэрбум төгрөг
- Хадгаламж - дотоодын банканд 84.9 сая төгрөг
- Авлага - 500 сая төгрөг
- Зээл - 1 тэрбум 298 сая 762 мянган төгрөг
- Хуулийн этгээдэд оруулсан хөрөнгө оруулалт, хувьцаа /"Тэсо" ХХК, "Эрдэнэс Тавантолгой" ХК/ байна.
