Зам, тээврийн хөгжлийн яамнаас Улаанбаатар хотын эргэн тойрон дахь товчоод буюу төлбөр хураах цэгүүдийг бүрэн цахимжуулсан талаар мэдээллээ. 

Улаанбаатар хотын Түргэн, Налайх, Хөшгийн хөндий, Эмээлт, Хоолтын төлбөр авах цэгүүдийн гарах чиглэл 100 хувь цахим үйлчилгээнд шилжсэн. Ингэснээр огт мөнгө хураахгүй гэсэн үг биш буюу бэлэн мөнгө хураахгүй болжээ. Харин ирэх сарын 1-нээс эхлэн төлбөр авах цэгүүдийн орох, гарах чиглэлд 100 хувь цахимжих аж.

Жолооч товчоогоор нэвтэрсний дараа гар утсанд мессэж хэлбэрээр нэхэмжлэх очиж байгаа ба цаашид e-mongolia, ИБаримт болон Roadpay.mn, Smartcar зэрэг аппликейшнд нэхэмжлэх очдог болно.

Ингэснээр бүх банкны аппликейшн, цахим хэтэвч, болон бусад төлбөрийн хэрэгслүүдийг сонгон төлбөр төлөх боломжтойгоос гадна ИБаримтын буцаан олголтоор төлбөр төлөх боломжтой.

Мөн автомашины үзлэг оношилгоо болон, хэрэглэгчийн нэр шилжүүлэхэд дээрх төлбөрийг заавал төлсөн байх шаардлага тавигдана.  

М.Сүхэхэй