Бүгд Найрамдах Өмнөд Судан Улсад болж буй НҮБ-ын энхийг сахиулах “UNMISS” ажиллагаанд оролцох Монгол Улсын Зэвсэгт хүчний 15 дугаар ээлжийн цэргийн багийн эхний ээлжийн бие бүрэлдэхүүн үүрэг гүйцэтгэх газар орныг зорилоо. Зэвсэгт хүчний Жанжин штабын орлогч дарга, бригадын генерал Б.Баатар, өмнөх амжилтыг улам бататгаж өгөгдсөн үүрэг, даалгавраа монгол цэргийн ёсоор нэр төртэй биелүүлээд ирэхийг үүрэг гүйцэтгэх алба хаагчдад захижээ.

Монгол Улсын Зэвсэгт хүчин 2012 оноос эхлэн Өмнөд Суданд цэргийн баг илгээж, өнгөрсөн 13 жилийн хугацаанд нийт 14 ээлж нэр төртэй үүргээ биелүүлсэн аж.