Монгол Улсын нийгэм, эдийн засгийн байдлын 2023 оны нэгдүгээр сарын танилцуулгыг ҮСХ-ны Бодлого, хамтын ажиллагааны газрын ахлах статистикч С.Норов танилцууллаа.
Тэрбээр "Нийгмийн халамж үйлчилгээнд хамрагдсан хүний тоо өмнөх оноос 600 мянгаар өсөж 1.5 сая болсон. Ингэснээр Нийгмийн даатгалын сангийн зарлага орлогоосоо гурав дахин их гарсан. Нийгмийн даатгалын сангийн орлого 263 тэрбум төгрөг болж, өмнөх оноос 110 тэрбум төгрөгөөр нэмэгдсэн. Харин зарлага 303 тэрбум төгрөг болж өмнөх оноос 87 хувиар өссөн үзүүлэлттэй байна. Тэтгэвэр авагчдын тоо 19,7 мянгаар нэмэгдсэн байна.
2023 оны нэгдүгээр сард нийгмийн халамж үйлчилгээнд хамрагдагчид 1.5 сая болж өмнөх оны мөн үеэс 675 мянган хүнээр буюу 77 хувиар өсжээ. Нэгдүгээр сард халамж үйлчилгээнд 149 тэрбум төгрөг олгосон байна" гэв
Д.Батчулуун
