Хятадын хууль сахиулагчид улс төрч Бо Силайг хууль тогтоох байгууллагын суудлаас нь буулгасан талаар “Guardian” мэдээллээ.

Хятадын хууль сахиулагчид улс төрч Бо Силайг хууль тогтоох байгууллагын суудлаас нь буулгасан талаар “Guardian” мэдээллээ.

Өчигдөр Бо Силайн Чонгин хотын Ардын их хурлын үндэсний төлөөлөгчийн статусыг албан ёсоор буулгасан байна. Өнгөрсөн сард тус хотын намын хорооны дарга асан Бо Силайг намаас нь хөөж, түүнийг намын Улс төрийн товчоо ба Төв хорооны бүрэлдэхүүнээс гаргасан юм.

Би Силай улс төрчийн нэр хүнд огцом унасан нь эхнэрийнх нь холбогдсон гэмт хэрэгтэй холбоотой. Түүний эхнэр Гу Кайлай Бриатнийн бизнесмен Нил Хейвудыг хөнөөсөн хэрэгтэй холбогдсон. Мөн энэ аллагын дараа тус хотын дэд дарга ба цагдаагийн дарга асан Ван Лицюньтэй холбоотой дуулиан гарсны хариуцлагыг мөн түүнд өгсөн байна. Мөн Бо Силайг албан тушаалаа урвуулан ашигласан, бэлгийн зүй бус харилцаанд орж байсан, авлига авсан зэрэг хэрэгт буруутгаж байсан юм.

Бо Силайг тойрсон дуулиан 2011 оны хавар мандсан билээ. Хотын цагдаагийн дарга Ван АНУ-ын консулын газарт очиж, өөрийн даргын эхнэрийг Нил Хейвудыг хөнөөсөн гэж ярьснаас уг хэрэг мандсан юм. Үүний дараа Ван Лицюнь шоронд хоригдож, Бо Силай нь хотын намын даргаас буусан байв.

Наймдугаар сарын 20-нд түүний эхнэрийг Нил Хейвудыг хөнөөсөн гэж үзээд шүүх цаазаар авах ял өгсөн. Ялыг сонсгосон даруй түүний ялыг хөнгөлсөн ба одоо яг ямар ял эдлэх нь тодорхойгүй байгаа юм. Есдүгээр сарын 15-нд Ван Лицюнийг эрх мэдлээ хэтрүүлэн хэрэглэсэн, авлига авсан, эх орноосоо урвасан гэж шүүх үзээд 15 жилийн хорих ялаар шийтгэсэн байв.
Эдгээр шүүх хурлын үеэр Бо Силайн өөрийнх нь хувь заяа тодорхойгүй байгаа юм. Улс төрчийн хувьд нөхцөл байдал ингэтлээ дордсон хэдий ч Хятадын засгийн газар одоо хүртэл түүнийг тодорхой байдлаар яллаагүй байна.