Халимагийн нийслэл Элстэй хотод Ойрдын Увш хааны хөшөөг босгохоор болжээ. Монголын нэрт уран барималч Н.Баатарцог, Б.Нямдорж нарын бүтээсэн хөшөөг тус хотын Лениний гудамж болон Остапа Бендерийн өргөн чөлөөний уулзварт байрлуулах аж. Уг хөшөөний эх материалыг Монголд хийсэн бөгөөд Элстэйд тээвэрлэн авчирч угсарсан байна. Увш хааны хөшөөг Элстэй хотынхонд бэлэглэх саналыг Монголын торгуудуудыг нэгтгэдэг торгон нутаг хэмээх клубын гишүүн бизнесмэнүүд бэлэглэжээ. Монголын бизнесмэнүүд ерөнхийлөгч Ц.Элбэгдоржийг Халимагт ирэх үеэр энэ саналыг гаргасан бөгөөд 11 дүгээр сарын эхээр болох нээлтийн ёслолд ирэхээ амласан байна.

   Увш хаан бол 1771 онд Ижил мөрний ойрдуудыг удирдан Зүүн гарын хаант улс руу 170 мянга гаруй хүнийг дагуулан ирсэн их нүүдлийн удирдагч юм. Элстэй хотын Иргэдийн хурлын төлөөлөгч О.Баатарын хэлснээр Монголд Ховд аймгийн Булган Увш хааны хөшөөний эх хувь байдаг бөгөөд өнгөрсөн оны есдүгээр сард нээлтээ хийжээ. Булган сумд өнөөдөр 1771 онд Ижил мөрнөөс буцаж нүүж очсон 10 мянга орчим торгууд хүн байдаг юм.