Монголын Үйлдвэрчний эвлэлийн холбооноос өнөөдөр шинэ Засгийн газартай байгуулах Гурван талт улсын хэлэлцээр, багш гарын нэмэгдэл, урамшууллыг улсын төсвөөс хасах гэж байгаатай болон УИХ Нийгмийн даатгалын үндэсний зөвлөлийн гишүүдийн томилгоо хийхдуу хууль зөрчин Үйлдвэрчний эвлэлийн төлөөллийг бүрэн оруулаагүй талаар мэдээлэл хийлээ.Тэд Засгийн газар гурван талт хэлэлцээрээр хүлээсэн үүргээ зөрчсөн гэж үзэж байгаа аж. Энэ сарын 5-нд Сангийн яамныхны хийсэн төсвийн төслийн талаарх мэдээллээс Монголын Боловсрол, шинжлэх ухааны, Монголын Эрүүл мэндийн ажилтны, Монголын Ажилтан албан хаагчдын ҮЭ-ийн холбоодын доорх зүйлд анхаарлаа хандуулан ажиллахыг уриалж байгаа юм.
Энэ оны тавдугаар сарын 9-нд Боловсролын тухай хуульд нэмэлт өөрчлөлт орж, тус салбарт ажиллагчдын нийгмийн асуудалд хэд хэдэн дэвшилттэй заалт оруулсныг төсөв хүрэхгүй гэх шалтгаанаар хүчингүй болгохоор Сангийн яамнаас хуулийн төсөл боловсруулан өргөн барьсан байна. Үүнийг эсэргүүцэж УИХ-ын Нийгмийн бодлогын байнгын хороонд мэдэгдэл гаргажээ.
Мэдээллийн МҮЭХ-ны ерөнхий нарийн бичгийн дарга Г.Адъяа, МҮЭХ-ны дэд дарга С.Эрдэнэбат, МТЗ-чдын Үйлдвэрчний эвлэлийн холбооны дарга Х.Эрдэнэ, БШУ-ны ҮЭ-ийн холбооны дарга Ж.Батзориг нар хийсэн юм.
